The news is by your side.

Advertisement

سندھ حکومت نے اپنی ایک سالہ کارکردگی کو اطمینان بخش قرار دے دیا

کراچی: پیپلز پارٹی کی حکومت نے سندھ میں اپنی ایک سالہ کارکردگی کو اطمینان بخش قرار دے دیا.

ان خیالات کا اظہار صوبائی مشیر ماحولیات اور قانون مرتضیٰ وہاب نے میڈیا سے گفتگو کرتے ہوئے کیا۔  ان کا کہنا تھا کہ سندھ حکومت کی ایک سال کی کارکردگی مثبت رہی.

ان کا کہنا تھا کہ بہت کچھ کرنا چاہتے تھے، مگر معاشی صورت حال کے باعث نہ کر سکے، سندھ حکومت کا پہلا سنگ میل تھر کول کا منصوبہ تھا.

مرتضیٰ وہاب نے کہا کہ بلاول بھٹو کی ہدایت پر سندھ میں کئی اہم منصوبے شروع کیے، سندھ حکومت کی صحت کے شعبے میں نمایاں کارکردگی رہی.

مزید پڑھیں: کراچی کے سیوریج سسٹم کی تباہی کا سب سے بڑا سبب پلاسٹک ہے، مرتضیٰ وہاب

صوبائی مشیر ماحولیات اور قانون نے کہا کہ صوبےمیں ریکارڈ قانون سازی کی گئی، پولیس اصلاحات، انگریز دور کا جیل قانون تبدیل کیا، سندھ انجرڈپرسن میڈیکل ایڈ کا اہم بل پاس کیا۔

یاد رہے کہ ایک جانب جہاں سندھ حکومت اپنی کارکردگی کو مثبت قرار دے رہی ہے، وہیں وفاقی حکومت اور کراچی کی نمائندے کی دعوے دار ایم کیو ایم کی جانب سے اس پر سخت تنقید کی جارہی ہے۔

Comments

comments

یہ بھی پڑھیں