The news is by your side.

Advertisement

‘مریم نواز نے سرگودھا جلسے میں لوگوں کے نہ آنے کا غصہ اے آر وائی پر نکالا’

لاہور : پاکستان تحریک انصاف کی سیکریٹری اطلاعات مسرت جمشید چیمہ کا کہنا ہے کہ مریم نواز نے سرگودھا جلسے میں لوگوں کے نہ آنے کا غصہ اے آر وائی پر نکالا۔

تفصیلات کے مطابق پاکستان تحریک انصاف کے لاہور آفس میں میڈیا سے گفتگو کرتے ہوئے پی ٹی آئی پنجاب کی ترجمان مسرت جمشید چیمہ نے کہا کہ دنیا کی تاریخ میں پاکستان وہ واحد ملک ہے جس کا وزیراعظم، وزیر داخلہ اور سب سے بڑے صوبے کا وزیراعلی سرکاری خرچ پر پیشیاں بھگت رہا ہے۔

مسرت جمشید چیمہ کا کہنا تھا کہ رانا ثنا اللہ جسے بے نظیر بھٹو نے شریف خاندان کی خواتین کی کردار کشی پر پارٹی سے نکالا تھا ، آج مریم نواز کا نام لیکر عورت کارڈ کھیل رہا ہے۔

رہنما پی ٹی آئی نے کہا کہ نون لیگ نے خود عمران خان کی اہلیہ پر الزامات عائد کیے، وہ قابل شرم خواتین کی تذلیل کے زمرے میں آتے ہیں، عمران خان کی گفتگو کو لیکر عورت کارڈ کھیلنے والوں کو اپنے کردار پر نظر ڈالنی چاہئیے۔

سیکرٹری اطلاعات کا کہنا تھا کہ اے آر وائی محب وطن چینل ہے ن لیگ اور مریم نواز کی نوکرانیوں کی جانب سے اس کے خلاف پنجاب اسمبلی میں قرارداد جمع ہونا افسوسناک ہے، مریم نواز نے سرگودھا جلسے میں لوگوں کے نہ آنے کا گلہ شکوہ اے آر وائی پر نکال رہی ہیں۔

مسرت جمشید چیمہ نے کہا کہ پاکستان میں لوٹا منڈی کریش کرگئی ہے، الیکشن کمیشن سے گزارش کرتے ہیں کہ ان کو تاحیات نااہل کیا جائے۔

ان کا مزید کہنا تھا کہ آزادی مارچ ہمارا بنیادی حق ہے ، حکومت کنٹینر لگا کر دیکھ لے کارکنوں کے جذبے کے سامنے اب کوئی کھڑا نہیں ہو سکتا۔

Comments

یہ بھی پڑھیں