پنجاب حکومت کی ترجمان مسرت جمشید چیمہ نے کہا ہے کہ آصف زرداری کی گرفت اب سندھ پر بھی کمزور ہوتی جا رہی ہے۔
اے آر وائی نیوز کے مطابق پاکستان تحریک انصاف کی رہنما اور پنجاب حکومت کی ترجمان مسرت جمشید چیمہ نے سابق صدر آصف زرداری کے گزشتہ روز کے بیان پر سماجی رابطوں کی ویب سائٹ ٹوئٹر پر اپنے ردعمل کا اظہار کیا ہے۔
مسرت چیمہ نے اپنے ٹوئٹ میں کہا کہ آصف زرداری جو خود کو بڑا سیاسی گرو مشہور کراتے ہیں, لیکن پنجاب سے پیپلز پارٹی کا صفایا آصف زرداری کی بدولت ہی ہوا ہے اور ان کی سندھ پر بھی گرفت کمزور ہوتی جا رہی ہے۔ شکست خوردہ ن لیگ اسی شخص سے ساری امیدیں لگائے بیٹھی ہے۔
ان کا کہنا تھا کہ پی ڈی ایم ٹولہ پنجاب حکومت کی صف میں دراڑیں ڈالنے کی جتنی کوشش کر لے۔ عمران خان کی قیادت میں حکومتی اتحاد مضبوط ہے۔ ق لیگ سمیت تمام اتحادیوں نے فیصلے کا اختیار عمران خان کو دیا ہے۔
یہ بھی پڑھیں: ’ تحریک انصاف کا مقابلہ ن لیگ یا پی پی سے نہیں، آزاد امیدواروں سے ہوگا‘
ترجمان پنجاب حکومت کا کہنا تھا کہ عوام کے فیصلے موجودہ حکومت کے سپرد کرنا زیادتی کے مترادف ہے۔ عوامی امنگوں کی ترجمان حکومت عمران خان کی قیادت میں ہوگی۔ آئندہ کی حکمت عملی طے کرنے کیلیے آج مشاورتی اجلاس بلایا گیا ہے۔
آصف زرداری خود کو بہت بڑا سیاسی گرو مشہور کرواتے ہیں لیکن پنجاب سے پیپلز پارٹی کا صفایا انہی موصوف کی بدولت ہوا. جو کام ڈکٹیٹرز نہ کر سکے وہ آصف زرداری نے کر لیا.
اب آصف زرداری کی سندھ پر بھی گرفت کمزور ہوتی جا رہی لیکن شکست خوردہ ن. لیگ اسی شخص پر ساری امیدیں لگائے بیٹھی ہے. https://t.co/iLXl01Flvt
— Musarrat Cheema (@MusarratCheema) December 2, 2022
