The news is by your side.

Advertisement

کشمیر کے وارث ہم ہیں، کشمیر ہمارا ہے، مشعال ملک

لاہور: حریت رہنما یاسین ملک کی اہلیہ مشعال ملک نے کہا ہے کہ کشمیر کے وارث ہم ہیں، کشمیر ہمارا ہے۔

تفصیلات کے مطابق حریت رہنما یاسین ملک کی اہلیہ مشعال ملک نے لاہور میں میڈیا سے گفتگو کرتے ہوئے کہا کہ بھارت نے کشمیریوں کی زندگی اجیرن کردی ہے، اقوام متحدہ کی جانب سے اب عملی اقدامات کا وقت ہے۔

مشعال ملک نے کہا کہ کشمیر سے دنیا میں کوئی بڑا مسئلہ نہیں ہے، بھارت کشمیریوں کے خون کا پیاسہ ہے، پاکستان کا بچہ بچہ کشمیریوں کی آواز بنا ہوا ہے۔

انہوں نے کہا کہ بھارتی فوج وحشی درندوں کی طرح کشمیریوں کو مار رہی ہے، بھارت پورے مقبوضہ کشمیر کو قبرستان بنانا چاہتا ہے، بھارت کا سیاہ چہرہ دنیا کے سامنے بے نقاب ہوچکا ہے۔

مزید پڑھیں: مقبوضہ کشمیرمیں ایک طرف اسلحہ بردارافواج اور دوسری طرف نہتےعوام ہیں، مشعال ملک

مشعال ملک نے کہا کہ سیکیورٹی کونسل کا اجلاس کشمیریوں اور پاکستانیوں کی فتح ہے، بھارتی فوج دہشت گرد فوج ہے، پورے کشمیر پر قبضہ کررکھا ہے۔

انہوں نے کہا کہ بھارتی فوج نے یاسین ملک کو ڈیتھ سیل میں رکھا ہے، بھارت کشمیریوں کو جذبے کو دبا نہیں سکتا ہے، اقوام متحدہ نہیں جاگا تو دنیا کی سب سے بڑی جنگ یہاں ہوسکتی ہے۔

مشعال ملک نے کہا کہ کشمیریوں کی آزادی کی تحریک کو ظلم سے دبایا نہیں جاسکتا ہے، عالمی برادری کو بھارت پر دباؤ ڈالنا ہوگا۔

واضح رہے کہ چند روز قبل مشعال ملک کا کہنا تھا کہ مقبوضہ کشمیر میں ایک طرف اسلحہ بردار فوج اور دوسری طرف نہتے عوام ہیں، نہتے عوام نے اسلحہ بردار افواج کا مقابلہ اب تک بڑی بہادری سے کیا ہے۔

Comments

comments

یہ بھی پڑھیں