The news is by your side.

Advertisement

میرے شوہر کی زندگی کوسخت خطرہ ہے،مشعال ملک

اسلام آباد : حریت رہنما یاسین ملک کی اہلیہ مشعال ملک کا کہنا ہے کہ میرے شوہر کی زندگی کو بھارتی قید میں شدید خطرہ ہے، یاسین کوپانچ دن سےپانی نہیں دیا گیا، کشمیری خون کے آخری قطرے تک جدو جہد آزادی جاری رکھیں گے۔

حریت رہنما مشعال ملک نے اسلام آباد میں پیپلز پارٹی کے رہنما رحمان ملک سے ان کی رہائشگاہ پر ملاقات کی، ملاقات میں مقبوضہ کشمیر کی تشویشناک صورت حال اور یاسین ملک کو سینٹرل جیل منتقل کرنے کے حوالے سے تبادلہ خیال کیا گیا۔

 

rehman-2

میڈیا سے گفتگو کرتے ہوئے مشعال ملک نے بتایا کہ ان کے شوہر کو جیل میں شدید خطرات ہیں، یاسین ملک کا دل ٹھیک سے کام نہیں کررہا ہے۔


مزید پڑھیں : بھارت نے جنت نظیروادی مقبوضہ کشمیر کو کشمیریوں کیلئے جہنم بنا دیا ہے، مشال ملک


انکا مزید کہنا تھا کہ حق خودارادیت مانگنا جرم نہیں، عالمی برادری بهارتی مظالم کا نوٹس لے، کشمیری خون کے آخری قطرے تک جدو جہد آزادی جاری رکھیں گے۔

rehman-3

رحمان ملک عالمی برادری پر زور دیا ہے کہ وہ کشمیر میں بھارتی مظالم کا نوٹس لے اور مودی سے مطالبہ کیا کہ یاسین ملک کو رہا کیا جائے۔

انھوں نے کہا کہ بھارت نے کشمیر میں ظلم کا بازار گرم کر رکھا ہے، مودی مسلمانوں کے خون کا بیوپاری ہے۔

rehman-1

اس موقع پر رحمان ملک نے مشال ملک کو پاکستانی پرچم پرنٹ کی ہوئی چادر بھی اوڑھائی اور کہا کہ یہ چادر پوری قوم کی طرف سے ان کے لیے تحفہ ہے، مستقبل میں پاکستانی قوم اور کشمیری قوم مشعال ملک کو دختر کشمیر کے نام سے پکاریں گی۔

Comments

comments

یہ بھی پڑھیں