تم کتنے برہان شہید کرو گے ہر گھر سے برہان نکلے گا، مشال ملک -
The news is by your side.

Advertisement

تم کتنے برہان شہید کرو گے ہر گھر سے برہان نکلے گا، مشال ملک

لاہور : حریت لیڈر یاسین ملک کی اہلیہ مشال ملک کا برہان وانی کی برسی پر کہنا ہے کہ تم کتنے برہان شہید کرو گے ہر گھر سے برہان نکلے گا ۔

تفصیلات کے مطابق شہید برہان وانی کی برسی کے موقع پر حریت رہنما یاسین ملک کی اہلیہ مشال ملک نے ویڈیو پیغام میں کہا کہ برہان وانی ہم سب کا ہیرو ہے  تم کتنے برہان شہید کرو گے ہر گھر سے برہان نکلے گا۔

اس سے قبل لاہور ہائیکورٹ بار میں خطاب کے دوران مشعال ملک نے کہا کہ برہان وانی کی شہادت نے مقبوضہ کشمیر میں سناٹا کر دیا، بھارتی افواج نے برہان وانی کے بھائی کو شہید کیا اسکا گھر جلا دیا۔ برہان وانی نے اپنا سب کچھ کشمیر کی آزادی کے لیے نچھاور کر دیا ہے۔

انہوں نے کہا کہ برہان وانی کی شہادت کے بعد ایک نئی تحریک نے جنم لیا ہے اور آج پیدا ہونے والے ہر بچے کا نام برہان وانی رکھا جا رہا ہے، مودی نے کشمیر میں ظلم و بربریت کی انتہا کر دی ہے جبکہ مودی اور ٹرمپ کشمیر کیخلاف متحد ہوگئے ہیں۔

مشال ملک نے کہا کہ یاسین ملک کو زہریلا انجکشن لگایا گیا اور اب وہ دل کے عارضے میں مبتلا ہیں، کشمیری خاتون رہنماء آسیہ اندرابی پر بھی ظلم و ستم کے پہاڑ ڈھائے جا رہے ہیں۔

انھوں نے افسوس کا اظہار کیا کہ کشمیری نوجوانوں پر کیمیکل ہتھیار استعمال کئے جا رہے ہیں، کشمیری طلبا اور طالبات پر فاسفورس شیلز پھینکے جاتے ہیں، انھوں نے زور دیا کہ وکلاء کشمیریوں کی آواز بنیں۔

خطاب کے بعد وکلاء نے کشمیریوں سے اظہار یکجہتی کیلئے بار کے احاطے میں ریلی بھی نکالی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں