The news is by your side.

Advertisement

کشمیر کبھی بھی بھارت کا حصہ نہيں رہا،مشال ملک

اسلام آباد : حریت رہنما یاسین ملک کی اہلیہ مشال ملک کا کہنا ہے کشمیرکبھی بھی بھارت کاحصہ نہيں رہا، آزادی کی جنگ کےدوران ہزاروں کشمیریوں نے جانیں دیں۔

تفصیلات کے مطابق حریت رہنما یاسین ملک کی اہلیہ مشال ملک نے مقبوضہ کشمیر میں بربریت کیخلاف یو م سیاہ پر اپنے پیغام میں کہا ہے کہ آزادی کی جنگ کےدوران ہزاروں کشمیریوں نےجانیں دیں، کشمیری بچیاں8لاکھ بھارتی فوجیوں کا مقابلہ کررہی ہیں، آزادی کے لیے نوجوانوں کا کردار سب سے اہم ہے۔

مشال ملک کا کہنا تھا کہ نہتے کشمیریوں نے ہار ماننے سے انکار کیا ہے، کشمیر کبھی بھی بھارت کاحصہ نہيں رہا۔

چند روز قبل مشال ملک کا کہنا تھا کہ حکومت بھارتی اشتعال انگیزی کا معاملہ اقوام متحدہ میں اٹھائے، بھارت مقبوضہ کشمیر کے بعد اب ایل او سی پر دہشتگردی کر رہا ہے، اقوام متحدہ کشمیر میں انسانیت سوز مظالم کا فوری نوٹس لے۔


مزید پڑھیں : بھارتی مظالم بند نہ ہوئے تو پاکستان کی طرف بہنے والے دریاؤں میں پانی کی جگہ خون بہے گا


انھوں نے کہا کہ مقبوضہ کشمیر کے رہنے والوں سے بنیادی انسانی حقوق چھین لیے گئے ہیں، کشمیری طویل عرصے سے حق خود ارادیت کی جنگ لڑ رہے ہیں، کشمیریوں کے پرامن احتجاج کو فائرنگ اور پیلٹ گنز سے روکا جارہا ہے، تحریک آزاد ی کشمیر ہر گزرتے دن کے ساتھ بڑھتی جا رہی ہے، بھارت نے طویل عرصے سے حریت قیاد ت کو نظر بندکر رکھا ہے۔

مشعال ملک نے کہا ہے کہ کشمیر پاکستان کی دفاعی لائن ہے، کشمیر اور پاکستان کے گہرے رشتے کو کوئی جدا نہیں کر سکتا ہے، ہندوستان کا مقصد صرف کشمیریوں کی بربادی ہے، مقبوضہ کشمیر میں بھارتی مظالم بند نہ ہوئے تو پاکستان کی طرف بہنے والے دریاؤں میں پانی کی جگہ خون بہے گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں