اسلام آباد: مسلم لیگ ن کے رہنما اور وزیر برائے ماحولیاتی تبدیلی مشاہد اللہ خان کا کہنا ہے کہ ہم نے جمہوریت کے لیے رضا ربانی کی حمایت کی تھی۔ اس الیکشن میں غلط پیغام دیا گیا، ہمیں اس نتیجے کی امید نہیں تھی۔
تفصیلات کے مطابق مسلم لیگ ن کے رہنما مشاہد اللہ خان کا کہنا ہے کہ سینیٹ میں ہماری شکست یقینی تھی کیونکہ اس کی کوشش کافی عرصے سے جاری تھی۔
انہوں نے کہا کہ عمران خان اور زرداری ایک دوسرے کو گالی دیتے تھے۔ لوگوں کو دھمکیاں اور پیسے کا بے تحاشہ استعمال ہوا ہے۔ کیس کھولنے کی باتیں ہوئیں، منڈی لگی تھی، بکرے بکنے کو تیار تھے۔
انہوں نے کہا کہ ہم ووٹ کی عزت کی بات کرتے ہیں۔ لوگ غیر جمہوری قوتوں کو پسند نہیں کرتے۔
مشاہد اللہ کا مزید کہنا تھا کہ صادق سنجرانی آصف زرداری کا بندہ ہے۔ اس الیکشن میں غلط پیغام دیا گیا، ہمیں اس نتیجے کی امید نہیں تھی۔ ’ہم نے جمہوریت کے لیے رضا ربانی کی حمایت کی تھی‘۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
