The news is by your side.

Advertisement

نواز شریف کو نااہل کہا گیا تو بھٹو کو قاتل بھی کہا جائے گا، مشاہد اللہ خان

اسلام آباد: مسلم لیگ ن کے رہنما سینیٹر مشاہد اللہ خان نے کہا ہے کہ نواز شریف کو سپریم کورٹ نے نااہل کیا آپ شوق سے نااہل کہتے ہیں، یاد رکھیں بھٹو صاحب کو عدالت نے قاتل کہا تھا، اگر نواز شریف کو نااہل کہا گیا تو بھٹو کو قاتل بھی کہا جائے گا۔

ان خیالات کا اظہار انہوں نے سینیٹ اجلاس سے خطاب کرتے ہوئے کیا، مشاہد اللہ خان نے کہا کہ سندھ حکومت کی نااہلی کا ملبہ وفاق پر نہ ڈالا جائے، کراچی پیکیج ہم نے دیا، کراچی سکھر موٹروے ہم نے بنائی۔

انہوں نے کہا کہ پنجاب میں پیسہ لگا ہوا جبکہ سندھ میں پیسہ کھایا ہوا نظر آتا ہے، سندھ والے رحیم یار خان کراس کرتے ہیں تو زیادتی کا احساس ہوتا ہے، احساس ہوتا ہے کہ ان کے ساتھ کتنی بڑی زیادتی ہوئی ہے۔

مزید پڑھیں: ہم نے جمہوریت کے لیے رضا ربانی کی حمایت کی تھی: مشاہد اللہ خان

سینیٹر مشاہد اللہ خان نے کہا ہے کہ امن ہم نے قائم کیا آپ لوگوں نے تو امن کمیٹیاں بنائیں، اقتدار میں وہی آئے گا جس کے پیچھے عوام کی طاقت ہوگی، سلیکشن کو عوام کسی صورت منظور نہیں کریں گے، کرپشن کی باتیں کرنے والوں نے اپنے احتساب کمیشن سے کیا کیا۔

مسلم لیگ ن کے رہنما مشاہد اللہ خان کی تقریر اور پیپلزپارٹی پر تنقید پر ارکان پیپلزپارٹی نے شور شرابہ کیا جس پر چیئرمین سینیٹ صادق سنجرانی کو تنبیہ کی کہ آپ بجٹ تک ہی محدود رہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

Comments

comments

یہ بھی پڑھیں