اسلام آباد: سابق سینیٹر مشتاق احمدخان باضابطہ طور پر تحریک تحفظ آئین پاکستان میں شامل ہوگئے جب کہ ان کی جماعت پاکستان رائٹس موومنٹ بھی اپوزیشن اتحاد ‘تحریک تحفظ آئین’ کا حصہ بن گئی۔
سربراہ اتحاد محمود خان اچکزئی نے مشتاق احمد خان نے شمولیت کا خیر مقدم کیا کیا ہے۔ ملاقات میں علامہ ناصر عباس، مصطفیٰ نواز کھوکھر اور حسن رضا بھی شریک ہوئے۔
ملک کی سیاسی اور آئینی صورتحال پر تفصیلی مشاورت اور آئین کی بالادستی پر اتفاق کرتے ہوئے جمہوریت کے استحکام کیلئے تمام قوتوں کو متحد ہونے کی ضرورت پر زور دیا گیا۔
پارلیمنٹ کی خودمختاری کے تحفظ اور قانون کی حکمرانی کیلئے مشترکہ لائحہ عمل پر غور کیا گیا۔ عوامی مینڈیٹ کے احترام اور جمہوری اقدار کے تحفظ کیلئے جدوجہدجاری رکھنے کا اعلان بھی کیا۔
سابق سینیٹر مشتاق احمد خان نے جماعت اسلامی سے استعفیٰ دے دیا!
رہنماؤں نے تمام آئین پسند قوتوں کو ایک پلیٹ فارم پر متحد کرنے کے عزم کا اعادہ بھی کیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں