The news is by your side.

Advertisement

اسپیکر خیبر پختونخواہ اسمبلی مشتاق غنی بھی کورونا وائرس میں مبتلا

پشاور: اسپیکر خیبر پختونخواہ اسمبلی مشتاق غنی بھی کورونا وائرس میں مبتلاہوگئے، جس پر انھوں نے خود کو اپنی رہائش گاہ میں قرطینہ کرلیا ہے جبکہ ان کی بیٹی اور داماد میں بھی کورونا کی تشخیص ہو چکی ہے۔

تفصیلات کے مطابق اسپیکر خیبر پختونخواہ اسمبلی مشتاق غنی میں بھی کورونا وائرس کی تشخیص ہو گئی، جس کے بعد مشتاق غنی نے خود کو اپنی رہائش گاہ میں قرطینہ کر دیا گیا۔

انچارج کورونا سیل کے مطابق مشتاق غنی کی بیٹی کرن اور داماد واصف میں بھی کورونا کی تشخیص ہو چکی ہے، مشتاق غنی میں کورونا ٹیسٹ مثبت آنے کے بعد اسپیکر بجٹ اجلاس میں شرکت نہیں کریں گے۔

خیال رہے پی ٹی آئی کے ایم این اے ڈاکٹررمیش کمار، فرخ حبیب کورونا وائرس کی زد میں آچکے ہیں جبکہ ن لیگ کے سردارایازصادق، شہبازشریف ، شاہد خاقان عباسی، احسن اقبال کورونا وائرس کا شکار ہیں۔

ایم کیوایم پاکستان کےرکن قومی اسمبلی اسامہ قادری اور خواجہ اظہارالحسن بھی کوروبا وائرس میں مبتلا ہیں جبکہ سینیٹ کے اراکین سینیٹر عطا الرحمان، سینیٹر فدا محمد، مرزا آفریدی اور ثنا جمالی کا بھی کورونا مثبت آیا۔

Comments

یہ بھی پڑھیں