کوئٹہ:مشتاق رئیسانی اور ندیم اقبال کے ریمانڈ میں 14روزہ توسیع -
The news is by your side.

Advertisement

کوئٹہ:مشتاق رئیسانی اور ندیم اقبال کے ریمانڈ میں 14روزہ توسیع

کوئٹہ : بلوچستان کے سابق سیکریٹری خزانہ مشتاق رئیسانی اور ندیم اقبال کو کوئٹہ کی احتساب عدالت نے کرپشن کیس میں مزید چودہ روزہ ریمانڈ پر نیب کے حوالے کردیا ہے۔

تفصیلات کے مطابق بلوچستان میں میگا کرپشن کیس کے مرکزی ملزمان مشتاق رئیسانی اور ندیم اقبال کو سخت سیکیورٹی میں عدالت پیش کیا گیا، سماعت کے دوران عدالت نے حکم دیا کہ مشتاق رئیسانی اور ندیم اقبال کے اہلخانہ کو ان سے عید پر ملنے دیا جائے۔

عدالت نے ہدایت کی کہ ندیم اقبال کا مکمل چیک اپ سی ایم ایچ میں کرایا جائے، کرپشن کیس میں مشتاق رئیسانی کا پانچویں مرتبہ اور ندیم اقبال کا چوتھی بار ریمانڈ دیا گیا ہے۔

واضح رہے کہ سابق سیکریٹری خزانہ مشتاق رئیسانی کے گھر پر چھ مئی کو نیب نے چھاپہ مار کر ستر کروڑ سے زائد رقم برآمد کر کے انھیں گرفتار کیا تھا جبکہ مشتاق رئیسانی کی نشاندہی پر ندیم اقبال سمیت کئی ملزمان کو بھی گرفتار کیا گیا تھا۔

Comments

comments

یہ بھی پڑھیں