ورجینیا : امریکی ریاست ورجینیا میں پاکستانی خاندان کے اپارٹمنٹ میں شرپسندوں کی توڑپھوڑ کی، دیواروں پر مسلمان اور اسلام مخالف نعرے لکھ دیئے۔
تفصیلات کے مطابق امریکی صدر ڈونلڈ ٹرمپ کی مسلمان مخالف پالیسیاں رنگ دکھانے لگیں، ورجینیا میں پاکستانی خاندان کے اپارٹمنٹ پر شرپسندوں نے دھاوا بول دیا، شرپسندوں نے پاکستانی خاندان کے اپارٹمنٹ میں توڑپھوڑ کی،قرآن پاک کی بیحرمتی کی اور دیواروں پرمسلمان مخالف نعرے لکھے۔
شرپسند پاکستانی نژاد خاندان کے پاسپورٹ اور گرین کارڈز بھی ساتھ لے گئے، حملے کے وقت اپارٹمنٹ کے رہائشی شعیب اہل خانہ کے ہمراہ نیویارک میں تھے۔
امریکی میڈیا کے مطابق پولیس نے واقعے کی تحقیقات شروع کردی ہیں۔
مزید پڑھیں : امریکا میں مسلمانوں کے لئے صورتحال پیچیدہ
خیال رہے کہ ٹرمپ کی جیت سے امریکہ میں مسلمانوں پر حملوں میں خطرناک حد تک اضافہ ہوگیا ہے، ان واقعات میں مسلمان خواتین کو ہراساں کرنے، حجاب اتروانے کی کوشش جیسے واقعات بھی شامل ہیں، اس کے علاوہ دھمکیوں اور گالی گلوچ کا سامنا بھی کرنا پڑرہا ہے۔
اضح رہے کہ امریکا کے نو منتخب صدر ماضی میں مسلمانوں کے بارے میں سخت بیانات دے چکے ہیں جو کہ تنازعات کا باعث بھی بنیں،2015 میں انہوں نے امریکا میں مسلمانوں کے داخلے پر مکمل پابندی اور امریکا میں رہائش پذیر مسلمانوں کی جانچ پڑتال سخت کرنے کا مطالبہ کیا تھا۔
ڈونلڈ ٹرمپ امریکہ میں موجود تمام مساجد کو بند کرنے اور سیکورٹی کی خاطر تمام مسلمانوں کا ڈیٹا بیس اکھٹا کرنے کا بھی بیان دے چکے ہیں۔