نئی دہلی: بھارت میں سڑک پر معمولی تنازع پر بھارتی درندہ صفت شہریوں نے مسلمان شخص کو موت کے گھاٹ اتار دیا۔
بھارتی میڈیا کی رپورٹ کے مطابق بھارتی ریاست مادھیا پردیش میں ٹرک کے اوورٹیک کیے جانے پر موٹر سائیکل پر سوار تین بھارتی شہری آپے سے باہر ہوگئے اور ٹرک میں سوار مسلمان شخص کو بہیمانہ تشدد کرکے موت کے گھاٹ اتار دیا۔
ٹرک ڈرائیور کی شناخت سلمان خان کے نام سے ہوئی جبکہ دوسری سیٹ پر جمیر الدین خان نامی شخص سوار تھا جو سخت تشدد کے باعث زخموں کی تاب نہ لاتے ہوئے جاں بحق ہوگیا۔
بھارت میں ہندو لڑکے کو مسلمان سمجھ کر قتل کردیا گیا
پولیس کا کہنا ہے کہ ٹرک کے اوور ٹیک کرنے پر بائیک کا توازن بگڑا جس پر تینوں بھارتی آگ بگولہ ہوگئے اور ٹرک کا تعاقب کیا، موقع ملتے ہی گاڑی روک کر تشدد کرنا شروع کردیا۔ اس دوران ڈرائیور شدید زخمی ہوا تاہم ساتھی جمیر الدین خان موقع پر ہی جاں بحق ہوگیا۔
تشدد کرنے والے تینوں افراد کی شاخت نتیش، اجے اور انشول کے نام سے ہوئی۔
اسپتال انتظامیہ نے کہا ہے کہ شہری کی موت تشدد کے نتیجے میں آنے والی گہری چوٹ کے باعث ہوئی۔ پولیس نے تینوں ملزمان کو گرفتار کرکے قتل کا الزام عائد کردیا۔
