کراچی: مشتعل لیگی کارکنان کا اے آر وائی نیوز ٹیم پرتشدد -
The news is by your side.

Advertisement

کراچی: مشتعل لیگی کارکنان کا اے آر وائی نیوز ٹیم پرتشدد

کراچی: مسلم لیگ نون کراچی کے تحت سابق وزیر اعظم نواز شریف کی حمایت میں ریلی نکالی گئی، ریلی کے شرکاء نے اے آر وائی نیوز ٹیم کے ارکان پر تشدد کیا اور بد تمیزی کی۔

تفصیلات کے مطابق کراچی میں مسلم لیگ نون کے تحت نواز شریف کی حمایت میں کارکنان نے ریلی نکالی، شرکاء نے نعرے لگا کر اپنے قائد سے دلی وابستگی کا اظہار کیا۔

شرکاء نے بینراور پلے کارڈ اٹھا رکھے تھے جن پر نواز شریف کی حمایت میں نعرے درج تھے، جبکہ لیگی ورکرز پرجوش نعروں سے اپنے قائد کے ساتھ اپنی محبت کا اظہارکر رہے تھے۔

کارساز کے مقام پر قائم مسلم لیگ نون کے دفتر کے پاس کوریج کیلئے جانے والی اے آر وائی نیوز کی ٹیم پر مشتعل لیگی کارکنان نے بدتمیزی کی اور ان پر تشدد کیا۔

چند کارکنان نے کیمرہ مین سے کیمرہ چھیننے کی کوشش کی اور نیوز ٹیم کو ریلی کی کوریج کرنے سے روک دیا گیا۔

Comments

comments

یہ بھی پڑھیں