Muslim man بھارت میں تیز آواز میں گانا بجانے کی شکایت کرنے پر مسلمان لڑکا قتل
The news is by your side.

Advertisement

بھارت میں تیز آواز میں گانا بجانے کی شکایت کرنے پر مسلمان لڑکا قتل

جھارکھنڈ : بھارتی ریاست جھارکھنڈ میں سال نو کے موقع پر مبینہ طور پر اونچی آواز میں موسیقی بجانے سے منع کرنے پر ایک مسلمان کو مار مار کر ہلاک کر دیا گیا۔

تفصیلات کے مطابق بھارت میں مسلمانوں پر تشدد کا سلسلہ جاری ہے ، نیو یئر نائٹ پر تیز آواز میں گانا بجانے کی شکایت کرنے پر بھارتی لڑکوں نے انیس سالہ مسلمان لڑکے کو موت کے گھاٹ اتار دیا۔

یہ واقعہ بھارتی ریاست جھارکھنڈ میں پیش آیا ، جب قبرستان کے قریب لڑکے اونچی آواز میں گانا بجا رہے تھے، وسیم نے منع کیا تو گروہ اس پر ٹوٹ پڑا اور اسکو اتنا مارا کے وہ دم توڑ گیا۔

وسیم پونے میں کام کرتا تھا اور چند روز قبل ہی اپنے گھر آیا تھا۔

انیس سالہ وسیم انصاری کی ہلاکت کے بعد علاقے میں کشیدگی بڑھ گئی ، سینکڑوں لوگوں احتجاج کیا اور ذمہ داروں کو سزا دینے کا مطالبہ کیا۔

یاد رہے گذشتہ ماہ راجھستان میں ہندوانتہاپسند نے مسلمان نوجوان افرازل خان کو پیچھے سے کلہاڑی کا وار کرکے قتل کرنے کے بعد لاش کو آگ لگادی تھی، اور واقعہ کی ویڈیو بھی بنائی تھی۔


مزید پڑھیں  :  بھارت میں ہندوانتہاپسندوں کاتشدد‘ مسلمان نوجوان ہلاک


اس سے قبل بھارتی ریاست جھاڑکھنڈ میں ہی مسلمان لڑکا اپنی گرل فرینڈ کو چھوڑنے کے بعد واپس آرہا تھا کہ ہنو انتہا پسندوں نے اسے پکڑلیا، اسے لڑکی کے سامنے ایک کھمبے سے باندھ دیا اور کئی گھنٹے تک اسے چھڑیوں اوربیلٹوں سے تشدد کا نشانہ بنایا یہاں تک کہ اس کی موت واقع ہوگئی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں