نئی دہلی: بھارت میں یتیم ہندو لڑکی کی سرپرستی کرنے والے مسلمان شخص نے سوشل میڈیا صارفین کے دل جیت لیے۔
بھارتی میڈیا رپورٹ کے مطابق ہندو مذہب سے تعلق رکھنے والی اس یتیم لڑکی کی شادی بھارتی شہر وجے پور میں 31 جولائی کو انجام پائی۔
قابل ذکر بات یہ ہے کہ 18 سالہ پوجا کی سرپرستی بھارت سے ہی تعلق رکھنے والے محبوب مسلی نامی مسلم شخص نے کی۔
لڑکی ایک دہائی قبل یتیم ہوگئی تھی جس کے بعد رشتے داروں کی جانب سے لڑکی کی کفالت سے انکار کردیا گیا تھا تاہم یہ ذمہ داری محبوب مسلی نے بخوشی قبول کی اور ایک باپ کی حیثیت سے لڑکی کی 10 سال تک پرورش کی۔
She lived in my home for over a decade but I never forced her to practice our religion (Islam) or to marry a Muslim man. It is against the principles of our religion: Mehboob Masli, who married off a Hindu girl to a Hindu man in Vijayapura, Karnataka
— ANI (@ANI) August 1, 2021
محبوب مسلی کا کہنا تھا کہ پوجا ایک دہائی تک میرے گھر میں رہی لیکن ہم نے کبھی بھی پوجا کو اپنے مذہب پر عمل پیرا ہونے یا کسی مسلمان مرد سے شادی کرنے پر مجبور نہیں کیا کیونکہ یہ ہمارے مذہب کے خلاف ہے۔
انہوں نے کہا کہ یہ میری ذمہ داری تھی کہ میں پوجا کی شادی اسی کے مذہب سے تعلق رکھنے والے کسی شخص سے کرواؤں۔