لندن : برطانیہ میں سو با اثر مسلمانوں کو ان کی خدمات پر ایوارڈ سے نواز گیا ہے، ایوارڈ حاصل کرنے والوں میں پاکستانی نژاد برطانوی شہری بھی شامل ہیں۔
تفصیلات کے مطابق لندن میں پاور ہنڈریڈ نامی تنظیم کی جانب سے مختلف شعبہ ہائے زندگی میں نمایاں کارکردگی دکھانے پر اعزازات دینے کی تقریب کا اہتمام کیا گیا۔
ایوارڈز کی تقریب میں پاکستانی ہائی کمشنرسید ابن عباس نے خصوصی شرکت کی۔
اس تقریب کا مقصد برطانیہ کے معروف بروکرز کو برطانیہ کو متاثر کرنے والے قومی اور بین الاقوامی معاملات کے بارے میں جاننے کے لئے انمول موقع فراہم کرنا ہے۔
تقریب میں برطانیہ میں سو بااثر مسلمانوں کو اعزازات دئیے گئے ہیں، ایوارڈزحاصل کرنے والوں میں پاکستانی نژادبرطانوی شہری بھی شامل ہیں ، جس میں فارماسیوٹیکل میں نمایاں کاکردگی پر محمد مصطفیٰ کو ایوارڈ دیاگیا ،انسانی خدمات پرامام قاسم کو رول ماڈل قرار دیا گیا۔
پاکستانی نژاد زلفی بخاری کو نوجوان رول ماڈل کی کیٹیگری میں اعزازدیا گیا۔
پاکستانی نژاد خواجہ سرور کو تعلیم میں گراں قدر کارکردگی پرایوارڈ ملا جبکہ طارق شیخ کو ریٹیل بزنس میں بہترین کارکردگی پر ایوارڈ دیا گیا۔
