site
stats
عالمی خبریں

لندن: مسلم خاتون پر تیزاب سے حملہ

لندن: برطانیہ میں مسلمانوں پر حملوں کے واقعات میں اضافہ ہوگیا، مسلم ماڈل اور اس کے ساتھی پر تیزاب پھینک دیا گیا۔

دی مرر کے مطابق یہ واقعہ 21 جون کو اس وقت پیش آیا جب خاتون اور اس کے مرد کزن گاڑی میں سفر کررہے تھے اور ٹریفک سگنل پر رکے ہوئے تھے۔

میڈیا کے مطابق 21سالہ مسلم خاتون ریشم خان اپنے کزن جمیل مختار کے ساتھ 21ویں سالگرہ کے موقع پر گھر سے باہر نکلی تھیں کہ ایک نامعلوم ملزم نے کار کی کھڑکی سے دونوں پر تیزاب پھینکا اور پیدل ہی فرار ہوگیا۔

ریشم نے اسپتال میں بیان دیا کہ بہت تکلیف میں تھی، کپڑے بھی جل رہے تھے، مدد کو پکارتے رہے لیکن کوئی نہیں آیا، کوئی ایمبولینس نہ آئی، کچھ راہ گیروں نے اسپتال پہنچایا۔

برطانوی پولیس کے مطابق واقعے کی تحقیقات اور ملزم کی تلاش جاری ہے، سی سی ٹی وی فوٹیجز کی مدد لی جارہی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top