واشنگٹن : امریکی ایئرلائن کے عملے نے مسافر کے کہنے پر مسلمان خاتون کو جہاز سے بے دخل کردیا۔
غیر ملکی خبر رساں ادارے کی رپورٹ کے مطابق امریکی کانگریس کی نشست کے لیے نیو جرسی میں انتخاب لڑنے والی پہلی مسلمان خاتون عمانی الخطبت نیوجرسی میں ڈومیسٹک طیارے میں سفر کررہی تھیں کہ انہیں جہاز سے زبردستی نکال دیا گیا۔
انہوں نے سماجی رابطے کی ویب سائٹ ٹوئٹر پر بتایا کہ میں ایئرپورٹ چیک ان کےلیے کھڑی تھی کہ ایک شخص آیا اور میرے آگے سامان رکھ دیا جس پر میں نے کہا کہ میں بھی لائن میں کھڑی ہو لہذا آپ پیچھے آجائیں۔
اس مسافر نے کہا کہ میں دو مرتبہ تلاشی دیکرآیا ہوں اور فرسٹ کلاس مسافر ہوں تو پہلے میں جاوں گا۔
اردنی نژاد مریکی بلاگر اور سیاسی کارکن نے مزید کہا کہ ’ آپ سب جانتے ہیں کہ اگر میں حجاب کرنے والی مسلمان عورت ہوں،غصے کا اظہار کرتی اور ٹی ایس اے سیکورٹی کے ذریعے بھاگنے کی جرات کرتی تو مجھے حراست میں لیا جاتا ، میری فلائٹ چھوٹ جاتی اور ممکنہ طور پر چارج ہو جاتا، وغیرہ، وغیرہ۔‘
سیکیورٹی عملے نے معاملہ رفع دفع کروایا اور میں جہاز میں سوار ہوگئی جس پر جہاز نے عملے نے مجھے آکر کہا کہ آپ جہاز سے اتر جائیں کیونکہ فلاں مسافر آپ کی موجودگی میں اچھا محسوس نہیں کررہا۔ جس پر میں نے جواب دیا کہ میں اس مسافر کی موجودگی میں برا محسوس کررہی ہوں لہذا آپ اسے اتاریں۔
This is the @AmericanAir manager coming onboard to tell me that they’re removing me from my flight because "there is a passenger onboard who doesn’t feel comfortable” with me. pic.twitter.com/pwBS5NkvAn
— AMANI (@AMANI2020) November 15, 2020
میرے انکار پر تھوڑی دیر بعد پولیس آگئی اور مجھے زبردستی جہاز سے اتار کرلے گئی اور کچھ دیر حراست میں رکھنے کے بعد چھوڑ دیا۔
— Jake (@yesjaketapia) November 14, 2020
مسلمان خاتون کے ساتھ پیش آئے واقعے پر امریکن اسلامک ریلیشن کونسل نے واقعے پر تشویش کا اظہار کرتے ہوئےکہا ہے کہ ائیرلائن اس واقعے کی وضاحت کرے اور معاملے کی مکمل تحقیقات کی جائیں۔