The news is by your side.

Advertisement

مشرق وسطیٰ، امریکہ، یورپ سمیت بیشترممالک میں آج عیدالفطرمنائی جارہی ہے

ریاض : مشرق وسطیٰ، امریکہ، یورپ اور دنیا کے بیشترممالک میں آج عید الفطرمذہبی جوش وجذبے کے ساتھ منائی جارہی ہے۔

تفصیلات کے مطابق سعودی مشرق وسطیٰ ، امریکہ، برطانیہ، فرانس، بیلجیئم سمیت یورپ بھر میں آج عید الفطرمنائی جا رہی ہے۔

جاپان، انڈونیشیا اورترکی کے مسلمان بھی آج عیدالفطر منا رہے ہیں جبکہ مقبوضہ کشمیر میں کل پاکستان کے ساتھ عیدالفطر منائی جائے گی۔

مختلف زبانوں میں عید الفطر کا کیا نام ہے؟

سعودی عرب میں مسجد الحرام اور مسجد نبویﷺ میں عید کی نماز کی ادائیگی کے لیے اجتماعات منقد ہوئے جہاں 15 لاکھ افراد فرزندان اسلام نے شرکت کی اس موقع پرروح پرورمناظر دیکھنےکوملے۔

دوسری جانب پاکستان، بھارت اور بنگلہ دیش سمیت دنیا کے دیگر ممالک میں عیدالفطر16 جون کو مذہبی جوش وجذبے کے ساتھ منائی جائے گی۔

ماہ شوال: چاند نظر نہیں آیا، عید الفطر ہفتے کو ہوگی

خیال رہے کہ گزشتہ روز کراچی میں چاند دیکھنے کے لیے مرکزی رویت ہلال کمیٹی کا اجلاس چیئرمین مفتی منیب الرحمٰن کی زیرصدارت ہوا تھا۔

بعدازاں چیئرمین مرکزی رویت ہلال کمیٹی نے پریس کانفرنس کرتے ہوئے اعلان کیا تھا کہ ملک بھر سے شوال کے چاند کی شہادتیں موصول نہیں ہوئیں، لہٰذا پاکستان میں عید الفطر 16 جون بروز ہفتہ ہوگی۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں