site
stats
عالمی خبریں

امریکی مسلمانوں کا ڈونلڈ ٹرمپ کے خلاف سخت ردعمل

واشنگٹن : امریکا میں اگلے برس ہونے والے صدارتی انتخاب میں فتح حاصل کرنے کے خواب دیکھنے والے ڈونلڈ ٹرامپ کے خلاف امریکی مسلمانوں نے سخت ردعمل کا اظہار کیا ہے۔

ڈونلڈ ٹرامپ نے گزشتہ دنوں ایک انتخابی مہم میں یہ مطالبہ کیا تھا کہ امریکہ میں موجود تمام مساجد کو بند کیا جائے اور سیکورٹی کی خاطر تمام مسلمانوں کا ڈیٹا بیس اکھٹا کیا جائے ۔

جواب میں امریکہ میں رہائش پزیر مسلمانوں نے اپنے سوشل سیکورٹی کارڈ سمیت بیشتر کارڈز کی اسکین کاپی ٹوئیٹز کے ہمراہ ڈونلڈ ٹرامپ کو بھیجی ہیں جس میں اپنی شناخت کے ساتھ امریکہ کے لیے اپنی خدمات کا ذکر ہے ۔

امریکی فوج کے مرینیز ڈپارٹمنٹ میں کام کرنے والے ایک ایسے ہی مسلمان طیب راشد نے اپنے فوج کا کارڈ ڈونلڈ ٹرمپ کے ٹوئیٹر اکاونٹ پر تیس ہزار مرتبہ ٹوئٹ کیا ۔

اس سے قبل بھی انہتر سالہ ڈونلڈ ٹرامپ نے صدارتی انتخابات کے سلسلے میں تقریر کے دوران شامی پناہ گزینوں کی امریکہ میں داخلے پر پابندی کا بھی مطالبہ کیا تھا جس پر امریکہ بھر میں سخت تنقید کی گئی تھی.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top