پاناما لیکس میں شامل 435 افراد کا احتساب کیا جائے، سراج الحق Panama
The news is by your side.

Advertisement

پاناما لیکس میں شامل 435 افراد کا احتساب کیا جائے، سراج الحق

اسلام آباد: جماعت اسلامی کے امیر سینیٹر سراج الحق نے کہا ہے کہ قوم نے عدالتوں کی آزادی کے لیے بڑی قربانیاں دیں آج وقت ہے ایسے فیصلے کیے جائیں کہ کرپشن کا راستہ مکمل بند ہوجائے، پاناما لیکس میں شامل 435 کا احتساب کیا جائے۔

جماعت اسلامی کے امیر نے کہا کہ عدالت میں پاناما کیس مسلم لیگ ن کے مینڈیٹ کے خلاف نہیں بلکہ کرپشن کے خلاف ہے، سپریم کورٹ کے فیصلے سے ایسے فیصلے کی امید ہے جس سے کرپشن کا راستہ ہمیشہ کے لیے بند ہو۔

انہوں نے کہا کہ حکمرانوں کے کاغذارت اور بیانات ساتھ نہیں دے رہے یہی وجہ ہے کہ ہمارے حکمران تیتر بٹیر کے شکار کےلیے آنے والے قطری شہزادے کو 9 ماہ بعد بھی گواہی کے لیے نہیں لا سکی۔

سراج الحق نے نوازشریف پر تنقید کرتے ہوئے کہا کہ کیا شریف خاندان کے پاس جائیدادیں کم پڑ گئیں تھی جو وزیراعظم نے امارات میں نوکری کی؟۔ اُن کا کہنا تھا کہ ملک سے کرپشن ختم کرنے کے لیے ضروری ہے کہ نیب چیئر مین کی تقرری کا اختیار حکومت اور اپوزیشن سے واپس لے کر چیف جسٹس آف پاکستان و صوبائی چیف جسٹس کے حوالے کیا جائے۔

Comments

comments

یہ بھی پڑھیں