The news is by your side.

Advertisement

دوسروں کا دل دکھا کر صوبہ حاصل نہیں کیا جاسکتا، مصطفیٰ کمال

کوئٹہ: پاک سرزمین پارٹی کے چیئرمین مصطفیٰ کمال نے کہا ہے کہ جس دن قوم ایک ہوگئی جعلی مینڈیٹ رکھنے والی جماعتیں خود بہ خود ختم ہوجائیں گی، دوسروں کا دل دکھا کر صوبہ حاصل نہیں کیا جاسکتا۔

ان خیالات کا اظہار انہوں نے بلوچستان کے علاقے لسبیلہ میں پارٹی کے دفتر کا افتتاح کرتے ہوئے کیا۔ مصطفیٰ کمال نے کہنا تھا کہ 10 ماہ قبل شروع ہونے والا قافلہ ملک کے کونے کونے میں پھیل چکا ہے، عوام نے ہم سے تواقعات وابستہ کرلی ہیں۔

انہوں نے کہا کہ بلوچستان کے لوگ محبت دینے والے لوگ ہیں جس کا انہوں نے ہمیشہ ہی ثبوت دیا، اگر ہم اپنے بچوں کی خوشیاں چاہتے ہیں تو دوسروں کی خوش کے لیے ہی کام کرنا پڑے گا اور ہماری جماعت کا منشور بھی یہی ہے۔

mk-4

مصطفیٰ کمال نے کہا کہ دوسروں کا دل دکھا کر صوبہ حاصل نہیں کیا جاسکتا، ماضی میں سیاستدانوں نے قوم کو صرف لاشیں ہی تحفے میں دیں جبکہ ہم نے حیدرآباد کے پکا قلعہ میں تمام قومیتوں کو جمع کر کے گلے شکوے دور کروائے اور گلے لگوایا۔

mk-2

پی ایس پی کے چیئرمین کا کہنا تھا کہ اب قوم نے فیصلہ کرلیا ہے کہ مزید لڑائی یا تفرقہ سے گریز کیا جائے اور آپس میں اتحاد رکھا جائے، جس دن پوری قوم ایک ہوگئی جعلی مینڈیٹ رکھنے والی جماعتیں خود بہ خود ختم ہوجائیں گی، 29 جنوری کے کامیاب جلسے کے بعد لاشوں کی سیاست کرنے والی جماعتیں ختم ہوجائیں گی۔

mk-3

قبل ازیں بلوچستان پہنچنے پر مصطفیٰ کمال اور انیس قائم خانی کا شاندار استقبال کیا گیا اور دونوں رہنماؤں کو بلوچستان کی خاص روایت والی پگڑی بھی تحفہ میں دی گئی۔

Print Friendly, PDF & Email

Comments

comments

یہ بھی پڑھیں