ملین مارچ میں عوامی مسائل کی بات ہوگی، مصطفیٰ کمال Mustafa Kamal
The news is by your side.

Advertisement

ملین مارچ میں عوامی مسائل کی بات ہوگی، مصطفیٰ کمال

کراچی: پاک سرزمین پارٹی کے سربراہ مصطفیٰ کمال نے کہا ہے کہ چودہ مئی کو شارع فیصل پر دس لاکھ لوگوں کو جمع کریں گے، ملین مارچ میں عوام کے لیے انصاف اور پانی کی فراہمی کا مطالبہ کروں گا۔

کورنگی میں عوامی رابطہ مہم سے خطاب کرتے ہوئے مصطفیٰ کمال نے کہا کہ ہم 30 سال تک بغیر کسی مطالبے کے ایک پارٹی کو کامیاب کرواتے رہے مگر اُس سے عوام کو کوئی فائدہ نہیں ہوا۔

انہوں نے کہا کہ اب میں عوامی مسائل کے لیے نکلا ہوں، سیاست میری روزی روٹی نہیں اس لیے ماضی میں بھی شہر کی خدمت کی مگر افسوس آج کراچی میں کوئی کام نہیں ہورہا اور عوام دربدر ٹھوکریں کھانے پر مجبور ہیں۔

پڑھیں: مفتی نعیم کا فاروق ستار اور مصطفیٰ کمال کو مشورہ

مصطفیٰ کمال نے کہا کہ چودہ مئی کو 10 لاکھ لوگ نکلیں گے اور ہم عوامی مطالبات کو پورا کرنے کے لیے حکمرانوں پر دباؤ ڈالیں گے جس کے بعد وہ مسائل حل کرنے پر مجبور ہوجائیں گے۔

پی ایس پی سربراہ نے کہا ہم حکمرانوں سے اپنی پارٹی کے لیے کچھ نہیں مانگ رہے بلکہ ہمارا مطالبہ شہریوں کے لیے ہے، کراچی کا میئر ہوتے ہوئے کورنگی کی حالت بھی ٹھیک نہیں ہوئی جو بہت افسوس کی بات ہے۔

پاک سرزمین پارٹی کے چیئر مین نے مزید کہا کہ آج ہماری وجہ سے شہر کی دوسری جماعتوں کو کراچی کے مسائل یاد آگئے اور وہ اس کے لیے سڑکوں پر نکل رہے ہیں جو ہماری کامیابی کی ضمانت ہے۔

Comments

comments

یہ بھی پڑھیں