site
stats
پاکستان

مصطفیٰ کمال کا کراچی کے بعد حیدر آباد میں بھی دھرنے کا اعلان

mustafa kamal media talk

کراچی: پاک سرزمین پارٹی کے سربراہ مصطفیٰ کمال نے کراچی کے بعد حیدر آباد کے مسائل کے حل کے لیے بھی جدوجہد کرنے کا اعلان کردیا۔

گزشتہ ماہ اٹھارہ روز تک کراچی پریس کلب کے باہر دھرنے کے بعد احتجاج کو دوسرے مرحلے میں تبدیل کر کے 14 مئی کو ملین مارچ کا اعلان کرنے والے  مصطفیٰ کمال نے حیدر آباد کے مسائل کے حل کے لیے بھی دھرنا دینے کا اعلان کردیا ہے۔

انہوں نے کہا کہ حیدر آباد میں بھی پریس کلب کے باہر احتجاجی دھرنے دیں گے۔ شہریوں کو حقوق دلوانے تک چین سے نہیں بیٹھیں گے۔

مصطفیٰ کمال کا کہنا تھا کہ پاک سرزمین پارٹی کا دھرنا پر امن ہوگا۔ یہ پارٹی مظلوموں کی آواز بنی ہے۔ ہم دیہی اور شہری سندھ کی آواز بنے ہیں۔

انہوں نے اپنا عزم دہراتے ہوئے کہا کہ لوگوں کو حقوق ملنے تک ہماری جدوجہد جاری رہے گی۔

یاد رہے کہ پاک سرزمین پارٹی نے 6 اپریل سے کراچی پریس کلب کے باہر احتجاجی دھرنا شروع کیا جو 18 روز تک جاری رہا۔

مزید پڑھیں: مصطفیٰ کمال کا ملین مارچ کا اعلان

مصطفیٰ کمال نے 14 مئی کو کراچی میں ملین مارچ کا اعلان بھی کر رکھا ہے اور ان کے مطابق اس مارچ میں وہ عوام کے لیے انصاف اور پانی کی فراہمی کا مطالبہ کریں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top