اب سندھ حکومت عوام دشمنی پر اتر آئی ہے: مصطفیٰ کمال -
The news is by your side.

Advertisement

اب سندھ حکومت عوام دشمنی پر اتر آئی ہے: مصطفیٰ کمال

کراچی : مراد علی شاہ حقائق مسخ کرنے کے بجائے صوبے کا تحفظ کریں، وہ صوبے کے نمائندے ہیں، یہ ان کی بنیادی ذمے داری ہے، ان خیالات کا اظہار پی ایس پی کے سربراہ مصطفیٰ کمال نے کراچی میں‌ پریس کانفرنس کرتے ہوئے کیا۔

ان کا کہنا تھا کہ سندھ حکومت عوام دشمنی پر اترآئی ہے، کھلم کھلا حقائق تبدیل کیے جارہے ہیں، وزیراعلیٰ سندھ کہتے ہیں کراچی میں پانی کی قلت نہیں، وہ کراچی کی آبادی کو ایک کروڑ کم بتا رہے ہیں، اگر سندھ حکومت ایسے بیانات دے گی توہم کس کے پاس جائیں گے۔

انھوں‌ نے صوبے کی نمائندگی کی دعوے دار جماعتوں کے رویے پر کڑی تنقید کرتے ہوئے کہا، حکمران مسائل کا حل نہیں، بلکہ خود مسائل ہیں، عوام سےکہتا ہوں موجودہ حکمران کچھ ٹھیک نہیں کریں‌ گے، عوام کو معاملات اپنے ہاتھ میں لینا ہوں گے۔

مصطفیٰ کمال نے 24 دسمبر کو لیاقت آباد میں جلسے کا اعلان کرتے ہوئے کہا کہ ہم کراچی کی آبادی اور پانی کے مسائل پراحتجاج کریں گے، انھوں نے سوال کیا  کہ کراچی کی نمائندگی کادعویٰ کرنے والے لوگ کہاں ہیں۔

یہ بھی پڑھیں: پلاٹ کی غیر قانونی الاٹمنٹ کیس: مصطفیٰ کمال نیب میں پیش

انھوں‌ نے حکمرانوں‌ کی جانب سے غذائیت کے مسئلے پر توجہ نہ دینے پر حکومت پر کڑی تنقید کی اور کہا، کوئی دوسراملک ہوتا تو غذایت کےمعاملے پر ایمرجنسی لگاتا۔

انھوں نے حکمرانوں کو مخاطب کرتے ہوئے کہا آپ آگ سے کھیل رہے ہیں، کراچی کے حقوق پر ڈاکا نہیں ڈالنےدیں گے، ہم نےدو نمبر لوگوں سے مینڈیٹ چھین لیا ہے۔
یاد رہے، سابق سٹی ناظم آج کلفٹن میں پلاٹ کی غیر قانونی الاٹمنٹ کیس کے سلسلے میں نیب میں پیش ہوئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں