The news is by your side.

Advertisement

تحریک انصاف کے گرفتار کارکنان کو رہا کیا جائے، مصطفیٰ کمال

کراچی: پاک سرزمین پارٹی کے سربراہ مصطفیٰ کمال نے کہا ہے کہ پرامن سیاسی کارکنان پر تشدد جمہوریت اور اس کی روایات کے خلاف ہے، حکومت اور انتظامیہ کے رویے پر تشویش ہے۔

پاک سرزمین پارٹی کی جانب سے جاری کردہ اعلامیے میں سربراہ مصطفیٰ کمال نے اسلام آباد میں تحریک انصاف کے کارکنان کی گرفتاریوں پر تشویش کا اظہار کرتے ہوئے اُن کی فوری رہائی کا مطالبہ کیا۔

مصطفیٰ کمال نے کہا کہ جمہوریت میں پرامن احتجاج ہرشہری و سیاسی جماعت کا حق ہے حکومت کو اس کا احترام کرنا چاہیے اور گرفتار کیے جانے والے کارکنوں کو فوری طور رہا کردینا چاہیے۔

پڑھیں:  حکومت کا شیخ رشید کو گرفتار کرنے کا فیصلہ

انہوں نے حکومت اور انتظامیہ کے رویے پر تشویش کا اظہار کرتے ہوئے کہا کہ پرامن سیاسی کارکنان پر تشدد جمہوریت اور جمہوری روایات کے منافی ہے، حکمرانوں کو اپنا طرزِ حکمرانی تبدیل کرنا ہوگا۔

یاد رہے اسلام آباد میں تحریک انصاف کے کنوونشن  میں شرکت کرنے والے کارکنان کو پولیس نے دفعہ 144 کی خلاف ورزی پر گرفتار کیا ہے۔

Comments

comments

یہ بھی پڑھیں