site
stats
سندھ

ایف آئی اے ایم کیوایم کیخلاف شواہد کیلئےسرگرم، ٹیم دبئی روانہ

کراچی : مصطفی کمال نے را اورمنی لانڈرنگ متعلق شاہد حیات کو دستاویزات فراہم کردیں، شواہد کی روشنی میں تحقیقات کیلئے تحقیقاتی ٹیم دبئی روانہ کردی گئی۔

تفصیلات کے مطابق ڈائریکٹرایف آئی اے شاہد حیات نے مصطفی کمال سے ملاقات کی ہے اورملاقات میں منی را اور منی لانڈرنگ سے متعلق تبادلہ خیال ہوا۔

ذرائع کے مطابق مصطفی کمال نے را اور منی لانڈرنگ متعلق شاہد حیات کو دستاویزات فراہم کردی ہیں۔ دستاویزات کے مطابق لندن میں قائم کمپنی نے مختلف ادوار میں بھاری رقوم منتقل کی گئیں۔

رقوم ایم کیو ایم کے رہنماؤں کے نام پر منتقل کی گئیں۔ جن میں ایم کیو ایم کے قائد اور محمد انور، خواجہ سہیل منصور، عادل صدیقی ، طارق میر اور ایم کیو ایم کے نامزد ڈپٹی میئر ارشد وہرہ سمیت دیگر شامل ہیں۔

ذرائع کے مطابق مصطفی کمال اورانیس قائم خانی سے ملاقات کے بعد ایف آئی اے ایم کیو ایم کے خلاف شواہد اکٹھے کرنے میں سرگرم ہوگئی ہے۔

ذرائع کے مطابق ایف آئی اے کراچی میں موجود ایم کیو ایم کے رہنماؤں سے بھی پوچھ گچھ کرے گی جبکہ تحقیقاتی ٹیم دبئی روانہ کردی گئی ہے جوکہ دستاویزات کے مطابق مزید شواہد اکٹھے کررہی ہے اور تحقیقات بھی شروع کردی گئی ہیں۔

دوسری جانب ایف آئی اے سرفراز مرچنٹ سے بھی رابطے میں ہے۔ سرفراز مرچنٹ نے بھی ایف آئی اے کو مزید ثبوت فراہم کرنے کا عندیہ دیا ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top