The news is by your side.

Advertisement

مظلوموں اور کمزوروں کی آواز بننا ہے، خیر کا کام کرنا ہے، مصطفیٰ کمال

مزیکراچی: پاک سرزمین پارٹی کے چیئرمین مصطفیٰ کمال نے کہا ہے کہ جتنا برا کراچی کے ساتھ ہوچکا اس سے برا کیا ہوگا، ہم نے مظلوموں اور کمزوروں کی آواز بننا ہے، خیر کا کام کرنا ہے۔

ان خیالات کا اظہار انہوں نے سرجانی ٹاؤن میں میڈیا سے گفتگو کرتے ہوئے کیا، مصطفیٰ کمال نے کہا کہ میری جماعت میں بہت اچھے کردار والے لوگ ہیں، کراچی والوں آئندہ نسلوں کے لیے مجھ پر ایک بار بھروسہ کرو۔

انہوں نے کہا کہ میں اختیارات نہ ہونے کا رونا نہیں رونگا، 25 جولائی کے بعد بھائیوں کو بھائیوں سے ملانے والا دور ہوگا، 25 جولائی کا انتظار نہیں کرنا، ابھی سے آپ لوگ محنت شروع کردیں۔

مصطفیٰ کمال نے کہا کہ آپ کا جوش و ولولہ دیکھ کر لگتا ہے کہ ہمیں فتح ہوگئی ہے، پی ایس پی کے کارکنوں آپ مصطفیٰ کمال کے لیے محنت نہیں کررہے، میرے کارکنوں آپ لوگ غریبوں کو پانی دینے کی جدوجہد کررہے ہو۔

پاک سرزمین پارٹی کے چیئرمین نے کہا کہ آپ لوگوں کی آسانی اور مشکلات کے حل کے لیے محنت کررہے ہو، لوگ کرائے کے لوگ لارہے ہیں، پولنگ ایجنٹ لارہے ہیں، بہت سے لوگ پیسے خرچ کرکے انتخابات میں حصہ لے رہے ہیں۔

مزید پڑھیں: سندھ والوں کے پاس پی ایس پی کے سوا کوئی آپشن نہیں، مصطفی کمال

واضح رہے کہ مصطفیٰ کمال نے کہا کہ سندھ والوں کے پاس پی ایس پی کے سوا کوئی آپشن نہیں ہے، پہلے بھی کراچی کو بنایا تھا الیکشن میں کامیاب ہوکر پھر بنائیں گے۔

ان کا کہنا تھا کہ کچرا اٹھانے کا ٹھیکہ لینے والے اس شہر کا مقدمہ نہیں لڑ سکتے ہیں، ہمارے ماضی کے کاموں سے کوئی پارٹی مقابلہ نہیں کرسکتی ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں