The news is by your side.

Advertisement

دنیا کا بہترین میئر آج عدالتوں کے چکر لگا رہا ہے، مصطفیٰ کمال

کراچی : پاک سرزمین پارٹی کے سربراہ مصطفیٰ کمال نے کہا کہ دنیا کا بہترین میئر آج عدالتوں کےچکر لگا رہا ہے، ایٹمی ملک کے سب سے بڑے شہرمیں کچرا اٹھانے والا کوئی نہیں۔

تفصیلات کے مطابق چیئر مین پی ایس پی مصطفی کمال نے سندھ ہائی کورٹ میں میڈیا سے گفتگو کرتے ہوئے کہا مجھ پر نظامت کے دور کا کیس بنایا گیا ہے، 2005 میں میئر بنا ،مجھ پر غیرقانونی الاٹمنٹ کاالزام ہے ، پرائیویٹ اراضی کوسرکاری بندہ کیسےالاٹمنٹ کر سکتا ہے۔

مصطفیٰ کمال کا کہنا تھا کہ عدالتوں کا احترام کرتا ہوں، دنیا کا بہترین میئر آج عدالتوں کےچکر لگا رہا ہے، شہرکےحالات مزیدخراب ہوگئے،کراچی میں عام آدمی رورہاہے۔

چیئر مین پی ایس پی نے کہا 18 ویں ترمیم سے فائدہ ہونے کے بجائےنقصان ہو رہا ہے، اس ترمیم میں مزیدترمیم کرکےاختیارات ڈسٹرک تک آنے چاہئیں،مصطفیٰ کمال

ان کا مزید کہنا تھا کہ این ایف سی کی طرح پی ایف سی کیلئےبھی فنڈز کا اجرا ہونا چاہیے میئر کے اختیارات آئین میں درج ہونے چاہئیں۔

مصطفیٰ کمال نے کہا ایٹمی ملک کےسب سے بڑےشہرمیں کچرا اٹھانے والا کوئی نہیں ، مسئلہ کشمیر پر وزیراعظم عمران خان کی ہر طرح سے حمایت کی ہے۔

مزید پڑھیں : میرے خلاف کیس انصاف اورعدالت کے ساتھ بھونڈا مذاق ہے، مصطفیٰ کمال

سربراہ پی ایس پی کا کہنا تھا کہ لیاقت علی ریٹائرہونےکےباوجود9سال سےکام کر رہےتھے، 9 سال سے بغیر کسی نوٹیفکیشن کے لیاقت علی سیٹ پر بیٹھے رہے۔

یاد رہے چند روز قبل پاک سرزمین پارٹی کے سربراہ مصطفی کمال نے کہا تھا کراچی کاسب سے بڑامسئلہ کچرا ہے،سندھ حکومت اور وفاقی حکومت مسئلے کے حل کے لیے کودپڑیں ،میرے خلاف کیس کے نام پرانصاف کے ساتھ بھونڈا مذاق کیا گیا۔

Comments

comments

یہ بھی پڑھیں