The news is by your side.

Advertisement

ڈی جی رینجرز سے پاک سرزمین پارٹی کے سربراہان کی ملاقات

کراچی: ڈی جی رینجرز میجر جنرل بلال اکبر سے پاک سرزمین پارٹی کے سربراہان مصطفٰی کمال اور انیس قائم خانی نے ملاقات کی ۔

تفصیلات کے مطابق ڈی جی رینجرز میجر جنرل بلال اکبر سے مصطفٰی کمال اور انیس قائم خانی نے ملاقات کی ہے، ملاقات میں کراچی سمیت سندھ کے حالات اور مختلف موضوعات پر بات چیت کی گئی۔

مصطفٰی کمال کا کہنا تھا کہ ان کی پارٹی بھارتی خفیہ ایجنسی را کے مقاصد کو بے نقاب کرنے اور ان کو ناکام بنانے کے لیے اپنا بھرپور کردار ادا کرتی رہے گی۔

پی ایس پی کے رہنماؤں کا کہنا تھا کہ ان کی جماعت عدم تشدد کی بنیاد پر یقین رکھتی ہے اور سندھ میں امن قائم کرنے کی کاوشوں کو جاری رکھے گی۔

اس موقع پر کراچی میں لاپتہ افراد کی گمشدگی اور دشمن ممالک کی خفیہ ایجنٹس کے معاملے پر بھی بات کی گئی۔

ڈی جی رینجرز کی جانب سے پاک سر زمین پارٹی کی عدم تشدد پالیسی اور دشمن کے خفیہ اینجٹس کو بے نقاب کرنے کے اقدامات کو سراہا گیا ہے۔

مزید پڑھیں : اردواسپیکنگ کمیونٹی کی خدمات قابل قدر ہیں، میجر جنرل بلال اکبر

واضح رہے گزشتہ روز صطفی ٰ کمال نے انیس قائم خانی کے ہمراہ حیدر آباد میں پریس کانفرنس کرتے ہوئے اپنی پارٹی کا اگلہ لائحہ عمل بیان کیا اور کہا کہ اس ماہ کے آخر میں لندن میں پارٹی کایونٹ آفس کھولا جارہا ہے اور پہلا پروگرام ایم کیو ایم کے قائد کی رہائش گاہ کے باہر مظاہرے سے ہوگا، جس کے لئے پارٹی کے کچھ اہم رہنماؤں کو لندن بھیجا جائیگا۔

Comments

comments

یہ بھی پڑھیں