The news is by your side.

Advertisement

آرمی چیف کراچی شہر کے مسائل کے حل کیلئے ثالثی کا کردار ادا کریں، مصطفیٰ کمال

کراچی : پاک سرزمین پارٹی کے سربراہ مصطفیٰ کمال نے کہا کراچی میں صفائی کا مسئلہ ایک مہم سے حل نہیں کیا جاسکتا، آرمی چیف کراچی شہر کے مسائل کے حل کیلئے ثالثی کا کردار ادا کریں۔

تفصیلات کے مطابق پاک سرزمین پارٹی کے سربراہ مصطفیٰ کمال نے میڈیا سے گفتگو کرتے ہوئے کہا کراچی میں صفائی کا مسئلہ ایک مہم سے حل نہیں کیا جاسکتا، شہر سے کچرے کو دو دو مہینے تک نہیں اٹھایاجاتا ہے، پورا شہر ہی کچرا کنڈی بنا ہوا ہے۔

مصطفی کمال کا کہنا تھا کہ صفائی مہم کو اپنے سیاسی مقاصد کیلئے استعمال نہیں کیاجانا چاہیئے، شہر میں کچرا نہ اٹھنے سے بیماریاں پھیلیں گی، ہمارے دور میں شہر میں جراثیم اور بدبو کےخاتمے کے لئے اسپرے کرایا جاتا تھا، آلائشوں کو زمین میں دفن کیاجاتا تھا۔

کراچی کا مسئلہ اونر شپ کا ہے ، ہرآدمی اپنی ڈیڑھ انچ کی مسجد بناکر بیٹھ گیا ہے

پی ایس پی سربراہ نے کہا ہمارے دور میں یہ نہیں دیکھاجاتا علاقہ کس کا ہے،کام دیکھاجاتا تھا، کراچی کا مسئلہ اونر شپ کا ہے، کراچی میں مسئلہ نہیں شہر میں حکومت کرنیوالوں کے درمیان مسئلہ ہے، شہر کے مسائل کے حل کیلئے ہرآدمی اپنی ڈیڑھ انچ کی مسجد بناکر بیٹھ گیا ہے۔

انھوں نے مطالبہ کیا آرمی چیف کراچی شہر کے مسائل کے حل کیلئے ثالثی کا کردار ادا کریں اور کہا صفائی مہم میں علی زیدی کی نیت پرشک نہیں کررہا، تیرہ ہزار ٹن کچرا روزانہ آرہا ہے۔

مسئلے کا مستقل حل کراچی میں5گاربیج ٹرانسفر پوائنٹس بنادیں

مصطفی کمال کا کہنا تھا کہ کراچی کیلئےجوکام میں نے کیے وہی کام دوبارہ کردیں، آرام نہیں کمائیں، کرپشن نہ کریں کام کریں، مسئلے کا مستقل حل کراچی میں5گاربیج ٹرانسفر پوائنٹس بنادیں، علی زیدی وفاق سے فنڈز لاکر 5 گاربیج ٹرانسفر پوائنٹس بنادیں۔

Comments

comments

یہ بھی پڑھیں