کراچی : پاک سرزمین پارٹی کے سربراہ مصطفی کمال نے کہا ہے کہ سانحہ لاہور کی شدید الفاظ میں مذمت کرتے ہیں،واقعے میں خواتین اور بچوں کو دہشت گردی کا نشانہ بنایا گیا .
کراچی میں میڈیا سے گفتگو کرتے ہوئے مصطفی کمال کاکہنا تھا کہ جن کے گھروں سے لوگ جاتے ہیں وہی ان کاحال جانتے ہیں مائیں کھودینے والے بچوں سے کیسے تعزیت کروں۔
انہوں نے کہا کہ سانحہ لاہور کے زخمیوں کی جلد صحت یابی کیلئے دعاگو ہوں اس سانحہ مین قوم ان کے ساتھ ہے ، اس ظلم پر جتنا افسوس کیا جائے کم ہے ۔
انہوں نے کہا کہ دہشت گردی کے خلاف فوج کے ساتھ اداروں اور عوام کوآگے آنا ہوگا ،انہوں نے کہا کہ سانحہ لاہور اشارہ دیتا ہے کہ دشمن ابھی باقی ہے ۔
کمیونٹی کی سطح پر انٹیلی جنس نظام کو بہتر بنانا ہوگا، اور وطن پرستی کے ایجنڈے پر سب کو جمع ہونا چاہئیے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں