The news is by your side.

Advertisement

قائد متحدہ کی وجہ سے بہن بیٹیاں عدالت میں دھکے کھا رہی ہیں،مصطفی کمال

کراچی : پاک سرزمین پارٹی کے رہنما مصطفی کمال کا کہنا ہے کہ مہاجروں کے خود ساختہ بابا قوم نے اپنے کارکنوں کو کہاں سے کہاں پہنچا دیا ہے۔

کراچی میں پریس کانفرنس سے خطاب کرتے ہوئے انہوں نے کہا کہ قائد متحدہ مہاجروں کے خود ساختہ قائد بنے ہیں اوراس قوم کو لہولہان کررکھ دیا ہے۔

عالم یہ آ گیا ہے کہ جس قوم کی بیٹیاں اپنی تہذیب او رتمدن کی وجہ سے جانی جاتی تھیں جوسبزی لینے کیلئے بھی نہیں نکلتی تھیں وہ انسداد دہشتگردی کی عدالتوں میں دھکے کھا رہی ہیں،اور یہ ان سے کرایا گیا ہے۔

قوم کی بیٹیوں کی یہ ہزیمت خودساختہ بابائے قوم کا قوم کو تحفہ ہے جس نے قوم کا بیڑہ غرق کر دیا ہےاب مہاجر قوم متحدہ قائد کواپنا رہنما نہیں مانتی اس لیے قائد متحدہ سے وابستہ ہرچیز کا نام ونشان عوام خود مٹائیں گے۔

دو دن کے دورہ کے بعد دبئی سے کراچی پہنچنے والے مصطفیٰ کمال نے کہا کہ متحدہ قائد کی تقریر کے بعد دفاتر کو گرایا جا رہا ہے،شرپسندوں کو پکڑا جا رہا ہے میں وفاق،صوبے کی حکومتوں اور اسٹیبلشمنٹ سے سوال کرتا ہوں کہ کیا پاکستان مخالف مغلظات ان دیواروں نے بکیں تھیں ؟سوال یہ ہے کہ کیا قائد متحدہ کے خلاف آپ نے کچھ کیا ہے؟اگر کیا ہے تو کیا کیاہے؟

انہوں نے کہا اس شخص نے دونسلوں کو تباہ کردیا،تیسری نسل کی خواتین کوعدالتوں میں بھیجا جا رہا ہے۔

اس موقع پر مصطفی کمال نے فاروق ستار کو مخاطب کرتے ہوئے کہا سچ بتائیں کیا آپ کو متحدہ قائد کو را کی فنڈنگ کا پتہ نہیں ہے؟آپ کو سب کچھ پتہ ہے خدارا سچ نہیں بول سکتے تو جھوٹ بھی نہ بول کرزخمی جسم کو مزید زخمی نہ کریں۔

آخر میں مصطفی کمال نے کہا ایم کیوایم اور ان کے قائد کوئی الگ چیز نہیں ہیں متحدہ قائد نے اس قوم کی محرومیوں کا واسطہ دے کر ہم جیسوں کو بھی اپنے پیچھے لگالیا تھا اور محرومیوں کے باعث ہم بھی بیس بیس سال تک ان کی باتوں میں لگے رہے۔

Print Friendly, PDF & Email

Comments

comments

یہ بھی پڑھیں