The news is by your side.

Advertisement

حکومت گرانے نہیں مسائل کے حل کے لئے جہدوجہد کررہے ہیں، مصطفیٰ کمال

کراچی : چیئرمین پی ایس پی سید مصطفیٰ کمال نے کہا ہے کہ حکومت گرانے نہیں مسائل کے حل کے لئے جہدوجہد کررہے ہیں،21 جولائی کو جلسے میں اہم اعلان کروں گا۔

ان خیالات کا اظہار انہوں نے کراچی میں نیوز کانفرنس سے خطاب کرتے ہوئے کیا، مصطفیٰ کمال کا کراچی کے شہریوں کو مخاطب کرتے ہوئے کہنا تھا کہ کب تک جھوٹے وعدوں پراعتبار کرو گے، ایک بار اٹھ جاؤ، خاموشی توڑو اور اس جدوجہد میں شامل ہوجاؤ،21 جولائی کو کراچی والے آئیں تاکہ ہماری آواز دور تک جاسکے۔

ان کا مزید کہنا تھا کہ حکومت گرانے نہیں مسائل کے حل کیلئےجہدوجہد کررہے ہیں، پی ایس پی باغ جناح کو کراچی میں رہنے والے اور ہر زبان بولنے والوں سے بھر دے گی، آنے والا وقت پاک سر زمین پارٹی کا ہے جو پہلے سے مضبوط ہوگئی ہے۔

چیئرمین پی ایس پی سید مصطفیٰ کمال نے کہا کہ ٹی وی ٹاک شوز دیکھ کر حکمرانوں کو برا بھلا کہنے سے قوم کے مسائل حل نہیں ہوں گے،21جولائی کو کراچی والے آئیں تاکہ ہماری آواز دور تک جاسکے،21جولائی کو جلسے میں اہم اعلان کروں گا۔

مزید پڑھیں: پلاٹوں کی غیرقانونی الاٹمنٹ ، مصطفیٰ کمال بھی نیب کے ریڈار پر

واضح رہے کہ قومی احتساب بیورو (نیب) نے پاک سرزمین پارٹی کے چیئرمین مصطفی کمال سمیت دیگر کے خلاف احتساب عدالت میں ریفرنس دائر کردیا ہے۔

مصطفی کمال کے خلاف دائر ریفرنس میں نیب نے ملزم پر ساحل سمندر پر ساڑھے 5 ہزار مربع گز زمین کی غیرقانونی الاٹمنٹ کا الزام عائد کیا ہے۔

نیب ریفرنس کے مطابق زمین1980 میں ہاکرز اور دکانداروں کو لیز پر دی گئی تھی جو 2005 میں نجی تعمیراتی کمپنی نے لیز پر حاصل کرلی، مصطفی کمال نے بلڈر کو کثیرالمنزلہ عمارت تعمیر کی غیرقانونی اجازت دی ۔

Comments

comments

یہ بھی پڑھیں