مسئلے کسی ایک قوم یا مسلک کا نہیں بلکہ پورے شہر کے ہیں، مصطفیٰ کمال mustafa-kamal
The news is by your side.

Advertisement

مسائل کسی ایک قوم یا مسلک کے نہیں بلکہ پورے شہر کے یکساں ہیں، مصطفیٰ کمال

کراچی:چیئرمین پی ایس پی مصطفی کمال نے کہا ہے کہ مسئلہ کسی ایک قوم اور مسلک کا نہیں بلکہ پورے شہر کا ہے جس کے حل لیے ہر ایک مکتبہ فکر سے تعلق رکھنے والے افراد کو 14 مئی کے روز گھروں سے باہر نکلنا ہوگا۔

چیئرمین پاک سرزمین پارٹی 14 مئی کو ہونے والے ملین مارچ میں شرکت کی دعوت دینے وحدت مسلمین کے دفتر پہنچے تھے جہاں ایم ڈبلیو ایم کے رہنماؤں نے ان کا استقبال کیا اور ملین مارچ پر تبادلہ خیال کیا۔

چیئرمین پاک سرزمین پارٹی مصطفی کمال نے دوران ملاقات ایم ڈبلیو ایم کے رہنماؤں کو کراچی کے مسائل حل کرنے کے لیے اپنے 16 نکات پیش کیے اور ان نکات کی منظوری کے لیے 14 مئی کو ملین مارچ میں شرکت کی دعوت کی۔

مصطفیٰ کمال نے کہا کہ پی ایس پی نے کراچی کے مسائل کے حل کیلئے 16 نکات پیش کیے ہیں جس کی منظوری اور مسدائل کے حل کے لیے14 مئی کو ہم حکمرانوں کے دروازوں پر جائیں گے اور انہیں گھٹنے ٹیکنے پر مجبور کردیں گے۔

انہوں نے کہا کہ مسئلہ کسی ایک قوم یا کسی ایک مسلک کا نہیں ہے بلکہ پورے کراچی کا ہے اور ہر رنگ و نسل سے تعلق رکھنے والے چاہے وہ کسی فرقے سے تعلق رکھتا ہو یا کوئی بھی زبان بولتا ہو یکساں طور پر مسائل کا شکار ہے۔

Comments

comments

یہ بھی پڑھیں