امید ہےآرٹی ایس نظام اس بار خراب نہیں ہوگا‘ مصطفیٰ کمال -
The news is by your side.

Advertisement

امید ہےآرٹی ایس نظام اس بار خراب نہیں ہوگا‘ مصطفیٰ کمال

کراچی : پاک سرزمین پارٹی کے سربراہ مصطفیٰ کمال کا کہنا ہے کہ ہمارا ایم این اے منسٹری نہیں مانگے گا حکومت کومسائل سے آگاہ کرے گا۔

تفصیلات کے مطابق کراچی میں کے حلقہ این اے 243 میں ووٹ کاسٹ کرنے کے بعد میڈیا سے گفتگو کرتے ہوئے پی ایس پی کے سربراہ مصطفیٰ کمال نے کہا کہ لوگ گھروں سےنکلیں اورووٹ ڈالیں، اہم الیکشن ہے۔

مصطفیٰ کمال نے کہا کہ لوگوں نےموقع دیا توہمارے ایک ایم این اے کی آواز20 پربھاری ہوگی، ہمارا ایم این اے منسٹری نہیں مانگے گا حکومت کومسائل سے آگاہ کرے گا۔

پاک سرزمین پارٹی کے سربراہ نے کہا کہ حلقےکےعوام پولنگ اسٹیشن آکرڈولفن پرمہرلگائیں، آخری وقت میں پولنگ اسٹیشن تبدیل نہیں کرنے چاہئیں۔

مصطفیٰ کمال نے کہا کہ امید ہے اس بارالیکشن کمیشن کی ایمرجنسی میں پریس کانفرنس نہیں ہوگی، امید ہے آرٹی ایس نظام اس بار خراب نہیں ہوگا۔

انہوں نے کہا کہ کراچی کے حالات بدترین ہیں، حکومت کومسائل سے آگاہ رکھیں گے، پی ایس پی امیدوارکامیاب ہوکرحکومت سے کراچی کے مسائل پربات کرے گا۔

پاک سرزمین پارٹی کے سربراہ نے کہا کہ امید ہے ضمنی انتخابات شفاف ہوں گے، لوگوں کوشکایات نہیں ہوں گی۔

ملک بھر میں ضمنی انتخابات کے لیے پولنگ کا عمل جاری

واضح رہے کہ ملک میں قومی اسمبلی کی 11 اور صوبائی اسمبلی کی 24 نشتوں پر ضمنی انتخابات کے لیے پولنگ صبح 8 بجے سے شام 5 بجے تک بلا تعطل جاری رہے گی۔

ضمنی انتخابات میں قومی اور پنجاب اسمبلی کی 11 نشستوں کے ساتھ خیبرپختونخواہ اسمبلی کی 9، سندھ اور بلوچستان کی 2،2 نشستوں پرپولنگ جاری ہے اور 600 سے زائد امیدوار انتخابات میں حصہ لے رہے ہیں۔

الیکشن کمیشن کے مطابق مجموعی طور پر35 حلقوں میں 92 لاکھ 93 ہزار 74 ووٹرز اپنا حق رائے دہی استعمال کریں گے جن کے لیے 7 ہزار 489 پولنگ اسٹیشن بنائے گئے ہیں جبکہ ایک ہزار727 پولنگ اسٹیشن کو حساس قرار دیا گیا ہے۔

Comments

comments

یہ بھی پڑھیں