The news is by your side.

Advertisement

مخالف جماعت کے میئر کے اختیارات کے لیے جنگ لڑ رہے ہیں، مصطفیٰ کمال

کراچی : چیئرمین پاک سرزمین پارٹی مصطفیٰ کمال نے کہا ہے کہ اپنی مخالف جماعت کے میئر کے لیے اختیارات مانگ رہے ہیں کیوں کہ ہماری جنگ کسی شخص کے خلاف نہیں بلکہ شہر قائد کو حقوق دلانے کے لیے ہے۔

وہ پریس کلب پر کارکنان کے اہم جنرل ورکز اجلاس سے خطاب کر رہے تھے انہوں نے کارکنا نکو ہدایت جاری کی کہ وہ گلی گلی اور محلے محلے پھیل جائیں اور پاک سرزمین کا پیغام پہنچائیں اور انہیں اپنے حقوق کے لیے جدو جہد پر آمادہ کریں جب کہ میں اور انیس قائم خانی یہاں پریس کلب پر دھرنا دیے بیٹھیں رہیں گے۔


مصطفیٰ کمال کا آج سے پریس کلب کے باہر بیٹھنے کا اعلان


انہوں نے کہا کہ وزیراعلیٰ سندھ کو کچرا اٹھانے تک کا اختیار اپنے پاس رکھنا ہے تو وہ کسی یونین کونسل کے چیئرمین بن جائیں اور اپنا شوق پورا کرلیں لیکن پھر وزارت سے مستعفی ہو جائیں۔

مصطفیٰ کمال نے کہا کہ ہم لوگوں کو جوڑنے آئے ہیں اور شہر کراچی کے مسائل کو حل کرنے کے لیے اپنا کردار جس حد ہو سکتا ہے نبھائیں گے اور حکمرانوں کو مضبور کردیں گے کہ وہ کراچی کو اس کا جائز مقام دیں۔


مصطفیٰ کمال کااحتجاج کا دائرہ کراچی کے دیگرعلاقوں تک بڑھانے کا اعلان


سربراہ پاک سرزمین نے کہا کہ ہمارے ساتھ یہاں آنے والے لوگوں کو ذبردستی گاڑیوں میں ٹھونس کر نہیں لایا گیا ہے بلکہ ان لوگوں نے ہماری آواز پر لبیک کہتے ہوئے تعصب اور نفرت کی سیاست کو دفن کر کے اصلاح اور خدمت کی سیاست کا بیڑہ اٹھایا ہے۔

واضح رہے مصطفیٰ کمال اور انیس قائم خانی سمیت پاک سرزمین پارٹی کے رہنما گزشتہ دس روز سے کراچی پریس کلب پر کراچی کے بنیادی مسائل کے حل کے لیے دھرنا دیے بیٹھے ہیں۔

Print Friendly, PDF & Email

Comments

comments

یہ بھی پڑھیں