ہمارے آنے سے لوگوں میں اتحاد ہوا، مصطفیٰ کمال
The news is by your side.

Advertisement

ہمارے آنے سے لوگوں میں اتحاد ہوا، مصطفیٰ کمال

کراچی: پاک سرزمین پارٹی کے سربراہ سید مصطفیٰ کمال نے کہا ہے کہ ہم نے قوم کو مضبوط کیا ہے، ہمارے آنے سے لوگوں میں امید پیدا ہوئی ہے اور تمام قومیتوں میں اتحاد ہوا۔

ان خیالات کا اظہار انہوں نے کراچی کے علاقے قصبہ علی گڑھ کے قریب واقع کٹی پہاڑی کے قریب پرچم کشائی کے حوالے سے منعقدہ تقریب سے خطاب کرتے ہوئے کیا۔ مصطفیٰ کمال کا کہنا تھا کہ آج بارش کے بعد پرچم کشائی کی تقریب منسوخ کرنے کا ارادہ کیا تاہم آپ لوگوں کے جذبے کو دیکھتے ہوئے تقریب کے لیے آج کا ہی دن مقرر کیا۔

انہوں نے کہا کہ تین سال قبل یہ علاقہ اردو اور پشتو بولنے والے کے لیے ممنوع تھا تاہم یہاں کے مکینوں نے سازش کو سمجھتے ہوئے تمام سازشی عناصر کو مسترد کیا اور آپس میں بغل گیر ہوئے، جو ہماری جدوجہد کا نیتجہ ہے۔

مصطفیٰ کمال نے کہا کہ پاک سرزمین پارٹی تمام قومیتوں کی جماعت ہے یہی وجہ ہے کہ تمام مکاتب فکر کے لوگ ہمارے ساتھ مل رہے ہیں جو ہماری جدوجہد کا نتیجہ ہے۔

Comments

comments

یہ بھی پڑھیں