The news is by your side.

Advertisement

زین قتل کیس: مصطفیٰ کانجو ساتھیوں سمیت بری

لاہور: انسدادِ دہشت گردی کی عدالت نے زین قتل کیس کے مرکزی ملزم مصطفی کانجواوراس کے پانچ گارڈز کو بری کردیا۔

تفصیلات کے مطابق لاہور کی انسداد دہشت گردی عدالت میں زین قتل کیس کی سماعت ہوئی جہاں مصطفیٰ کانجو کے وکیل نے موقف اختیار کیا کہ مصطفی کانجو کے خلاف کوئی شہادت موجود نہیں ہے۔

وکیل کا کہنا تھا کہ مدعی سمیت کسی گواہ نے مصطفی کانجو اوردیگر ملزمان کو شناخت نہیں کیا لہذا مصطفی کانجو اور اس کے پانچ گارڈز کو رہا کرنے کا حکم دیا جائے۔

عدالت نے وکلاء کے دلائل سننے کے بعد مصطفی کانجو اورقتل کے مقدمے میں ملوث اس کے پانچ گارڈز کو بری کرنے کا حکم صادرکردیا۔

یاد رہے کہ سابق وفاقی وزیرصدیق کانجو کے بیٹے مصطفی کانجو کے خلاف زین نامی نوجوان کے قتل کا مقدمہ درج کیا گیا تھا، انسداد دہشت گردی عدالت میں مقدمے کے مدعی سمیت گواہان اپنے بیانا ت سے منحرف ہو گئے تھے۔

Print Friendly, PDF & Email

Comments

comments

یہ بھی پڑھیں