بنگلادیش کے فاسٹ بولر مستفیض الرحمان آئی پی ایل سے باہر ہونے کے بعد پی ایس ایل کا حصہ بن گئے۔
بنگلادیش کے فاسٹ بولر مستفیض الرحمان پی ایس ایل 11 میں سلیکشن کے لیے دستیاب ہوں گے اور فرنچائز انہیں ڈرافٹ میں منتخب کرسکیں گی۔
واضح رہے کہ مستفیض الرحمان کو بھارتی انتہا پسندی کے بعد آئی پی ایل سے باہر کردیا گیا تھا۔
فاسٹ بولر بنگلادیش کی نمائندگی کرتے ہوئے 15 ٹیسٹ، 116 ون ڈے اور 126 ٹی 20 انٹرنیشنل میچز کھیل چکے ہیں۔
View this post on Instagram
واضح رہے کہ کولکتہ نائٹ رائیڈرز نے بی سی سی آئی کے کہنے پر مستفیض الرحمان کو اسکواڈ سے باہر کردیا تھا جس کے بعد بنگلادیش نے سیکیورٹی خدشات کے باعث ٹی 20 ورلڈ کپ کے لیے ٹیم بھارت نہ بھیجنے کا اعلان کیا۔
بنگلادیش کی حکومت نے بھی ملک میں آئی پی ایل کی کوریج پر پابندی عائد کردی۔
یہ پڑھیں: بنگلادیش نے بھی آئی پی ایل نشریات پر پابندی لگادی
اطلاعات و نشریات کی وزارت نے کہا تھا کہ مستفیض الرحمان کو آئی پی ایل سے باہر کرنے کی کوئی وجہ نہیں بتائی گئی اور یہ اقدام بنگلادیش کے لوگوں کے لیے پریشانی کا باعث بنا۔
وزارت کا کہنا تھا کہ یہ اقدام عوامی مفاد کو مدنظر رکھتے ہوئے اٹھایا گیا ہے۔
