The news is by your side.

Advertisement

متحدہ مجلس عمل آج مینار پاکستان پر سیاسی قوت کا مظاہرہ کرے گی

لاہور: متحدہ مجلس عمل (ایم ایم اے) آج لاہور کے مینار پاکستان پر اپنی سیاسی قوت کا مظاہرہ کرے گی۔

تفصیلات کے مطابق متحدہ مجلس عمل کی جانب سے آج مینار پاکستان پر جلسہ منعقد کیا جائے گا جس کے لیے تیاریاں اور انتظامات زور وشور سے جاری ہیں اور پنڈال بھی سج چکا ہے جبکہ رہنماؤں نے اس جلسے کے کامیاب اور تاریخی ہونے کی نوید سنائی ہے۔

جلسے سے متعلق متحدہ مجلس عمل کے مرکزی سیکرٹری جنرل لیاقت بلوچ کا کہنا تھا کہ مینار پاکستان کا جلسہ تاریخ ساز ہو گا اور لوگوں کی بہت بڑی تعداد اس جلسے میں شرکت کرے گی جبکہ جلسے کے انتظامات کو حتمی شکل دی جار ہی ہے۔

دوسری جانب ڈپٹی سیکرٹری جنرل علامہ عارف حسین واحدی کا کہنا تھا کہ ملک سے مذہبی فرقہ واریت ختم کر دی ہے، سیاسی فرقہ واریت بھی دفن کریں گے، ہمیں اس وقت امت کو ایک کرنے کی ضرورت ہے۔

علاوہ ازیں جماعت اسلامی لاہور کے امیر اور ایم ایم اے لاہور کے صدر ذکر اللہ مجاہد کا کہنا تھا کہ ماضی میں مختلف جماعتوں نے مینار پاکستان پر جلسہ کیا لیکن ہمارا جلسہ تاریخی ہوگا، ہمارے جلسے میں ایسی بدنظمی نہیں ہوگی جو دیگر جماعتوں میں ہوتی ہے۔

13مئی کومینارپاکستان پرجلسہ عام ہوگا‘ سراج الحق

خیال رہے کہ گزشتہ روز کوئٹہ میں میڈیا سے گفتگو کرتے ہوئے سراج الحق کا کہنا تھا کہ 13مئی کومینارپاکستان پرجلسہ عام ہورہا ہے، جلسے میں آئندہ کالائحہ عمل اورالیکشن مہم کا اعلان کریں گے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں