The news is by your side.

Advertisement

نکاح جیسے مقدس عمل پر جعلسازی کا انکشاف، گروہ کا سرغنہ گرفتار

ملتان: پنجاب کے شہر مظفرگڑھ میں جائیدادیں ہتھیانے کے لیے جعلی نکاح نامے بنوانے والے شخص کو پولیس نے گرفتار کرلیا۔

اے آر وائی نیوز  کے مطابق مظفرگڑھ میں پولیس نے کارروائی کر کے جعلی نکاح نامے بنوانے اور ان کا اندراج کروانے والے گروہ کے ایک اہم رکن کو گرفتار کرلیا۔

پولیس کے مطابق ملزمان جائیداد ہتھیانے کے لیے نکاح نامے کے ساتھ نادرا سے دلہنوں کے جعلی شناختی کارڈ بھی بنواتے تھے۔

گروہ نے مظفرگڑھ کے ضلع لٹکراں کے رہائشی اسکول ٹیچر  سمیت دو افراد کا فرضی لڑکیوں کے ساتھ نکاح کروایا، جس کے نکاح نامہ میں بطور حق مہر کروڑوں روپے جائیداد لکھوائی۔

مزید پڑھیں: اسلام آباد، جعلی نکاح نامے تیار کر کے والدین کو بلیک میل کرنے والا مفتی اور گواہان گرفتار

گروہ میں شامل جعلی دلہن نے جعلی نکاح نامے کی بنیاد پر نادرا سے شناختی کارڈ بھی حاصل کیا۔

پولیس نے اسکینڈل سامنے آنے کے بعد سول لائن تھانے میں دو مقدمات درج کر کے تحقیقات شروع کیں تو اس میں مزید ہوشربا انکشافات سامنے آئے۔ پولیس ٹیم جعلساز گروہ کے سرغنہ مشرف مگسی کو گرفتار کرنے میں کامیاب ہوگئی جبکہ مقدمے میں نامزد دیگر ملزمان کی گرفتاری کے لیے چھاپے مارے جارہے ہیں۔

Comments

یہ بھی پڑھیں