The news is by your side.

Advertisement

شہبازگل رہا، سیاسی مخالفین سے بدلہ نہ لینے کا اعلان

مظفرگڑھ: مسلح گارڈز کے ساتھ پولنگ اسٹیشن میں داخلے کے الزام میں گرفتار پی ٹی آئی رہنما شہباز گل کو رات گئے رہا کردیا گیا۔

تفصیلات کے مطابق سابق وزیراعظم اور چیئرمین پاکستان تحریک انصاف عمران خان کے قریبی ساتھ شہباز گِل کو عدالتی حکم پر رہا کردیا گیا،رہائی کے بعد شہباز گِل کا کہنا تھا کہ دل چاہتا ہے عمران خان سے وزارت داخلہ مانگوں اور عطا تارڑ کے سارے وٹ نکال دوں، مگر عطا اللّٰہ تارڑ کو معاف کرتا ہوں۔

یہ بھی پڑھیں: شہباز گل کو گرفتار کرلیا گیا

اپنے ٹوئٹ میں شہباز گل نے لکھا کہ تمام دوستوں کا بہت شکریہ جنہوں نے میری غیر قانونی گرفتاری کی مذمت کی اور آواز بلند کی، فرعون کو بھی یہ لگتا تھا کہ اسکی طاقت دائمی ہے، اور وقت کے فرعونوں کا بھی خیال یہی تھا مگرریاستی جبر اور مشینری کے استعمال کے باوجود اللّٰہ تعالیٰ نے انکی رعونت خاک میں ملا دی۔

شہبازگل نے رہائی کے بعد میڈیا سے گفتگو کرتے ہوئے کہا کہ بغیرنوٹس دیئے میرے خلاف جھوٹا پرچہ کاٹا گیا،مجھےایسی جگہ پررکھا گیا جہاں کرمنلزکو رکھا جاتا ہے، عون عباس پبی کو مجھ سے ملنےکی اجازت نہیں دی جارہی تھی۔

Comments

یہ بھی پڑھیں