The news is by your side.

Advertisement

مضاربہ اسکینڈل کا مرکزی ملزم یو اے ای سے گرفتار، آج عدالت میں پیش کیا جائے گا

کراچی : مضاربہ اسکینڈل کے مرکزی کردار عبداللہ کو یو اے ای سے گرفتار کر لیا گیا، ملزم کو آج کراچی کی نیب کورٹ میں پیش کیا جائے گا، ملزم نے سات ارب20کروڑ روپے کی جعلسازی کی۔

تفصیلات کے مطابق اسلامی سرمایہ کاری کے نام پر عوام کو لوٹنے والے مضاربہ اسکینڈل کی بد عنوانی میں ملوث بدنام زمانہ ملزم عبداللہ کو انٹرپول کی مدد سے یو اے ای سے گرفتار کرلیا گیا، جسے آج کراچی کی نیب کورٹ میں پیش کیا جائے گا۔

اس حوالے سے نیب حکام کا کہنا ہے کہ عبداللہ مضاربہ اسکینڈل کا مرکزی کردار ہے، ملزم نے شفیق الرحمان سے مل کرسات ارب بیس کروڑ کی جعل سازی کی۔

کراچی سے جعلی اسکیم بارہ افراد پر مشتمل گروہ چلا رہا تھا، اسکیم میں سیکڑوں لوگوں کو اسلام کے نام پر شرعی منافع کا جھانسہ دے کرلوگوں کو بیوقوف بنایا گیا، ملزم کا کردار غیرقانونی کاروبار کو اسلامی قوانین کے مطابق فتویٰ دینا تھا،۔

مزید پڑھیں: مضاربہ اسکینڈل کے مرکزی کردار مفتی احسان کو 10 سال قید کی سزا

مذکورہ گروہ اب تک انویسٹمنٹ کے نام پر شہریوں سے اربوں روپے بٹور چکا ہے۔ خیال رہے کہ یکم اپریل2018کو قومی احتساب بیورو (نیب) نے اسلامی سرمایہ کاری کے نام پر عوام کو لوٹنے اور بدعنوانی میں ملوث19ملزمان کو گرفتار کیا تھا۔

Comments

comments

یہ بھی پڑھیں