The news is by your side.

Advertisement

لاکھوں فرزندان توحید میدان عرفات سے مزدلفہ پہنچ گئے،لبیک اللھم لیبک کی صدائیں

مکہ مکرمہ : حجاج کرام میدان عرفات سے مزدلفہ پہنچ گئے، رات کھلے آسمان تلے گزاریں گے، میدان عرفات میں پچیس لاکھ حاجیوں نے خطبہ حج سنا۔

تفصیلات کے مطابق لاکھوں فرزندان توحید لبیک اللھم لیبک کی صدائیں بلند کرتے ہوئے میدان عرفات میں حج کے رکن اعظم وقوف عرفہ کی ادائیگی کے بعد مزدلفہ پہنچ گئے۔

آج نماز فجر کے بعد لاکھوں عازمین حج منیٰ روانہ ہوں گے اور منی پہنچ کر رمی اور سنت ابراہیمی کی پیروی کرتے ہوئے قربانی کا عظیم فریضہ سرانجام دیں گے۔

دوسری طرف خادم حرمین شریفین شاہ سلمان بن عبدالعزیز فریضہ حج کی ادائیگی کے لئے فراہم کی جانیوالی خدمات کا جائزہ لینے منی پہنچ گئے۔

اللہ کے مہمان میدان عرفات سے مغرب کے بعد مزدلفہ پہنچے اور حجاج نے مسجد نمرہ میں خطبہ سنا۔ حج کا خطبہ امام الشیخ محمدبن حسن آل الشیخ نے دیا۔

امام الشیخ محمد بن حسن آل الشیخ نے کہا امت مسلمہ تمام نفرتیں بھلا دے، اتحاد اور امن سے رہے، فرمان نبوی کے مطابق مسلمان آپس میں ایک بدن کی مانند ہیں۔

ایک حصے کی تکلیف پورا بدن محسوس کرتا ہے، آج دس ذی الحج کو شیطان کو کنکریاں ماری جائیں گی، حجاج کرام عید منائیں گے، قربانی کریں گے پھر سر منڈوا کر احرام کھول دیں گے اور طواف زیارت کریں گے۔

واضح رہے کہ منیٰ میں آباد خیموں کے شہر کے لئے تمام تر انتظامات مکمل ہیں جبکہ عازمین حج کی سہولت کے لئے سعودی حکومت کی جانب سے سکیورٹی کے غیرمعمولی انتظامات کیے گئے ہیں۔

Comments

comments

یہ بھی پڑھیں