پاکستان تحریک انصاف کے رہنما اور وزارت خزانہ کے سابق ترجمان مزمل اسلم نے وزیر خزانہ سے متعلق ایک معنی خیز ٹوئٹ کیا ہے۔
پاکستان تحریک انصاف کے رہنما اور وزارت خزانہ کے سابق ترجمان مزمل اسلم جو موجودہ حکومت کی معاشی پالیسیوں کے سخت ناقد ہیں اب وزیر خزانہ سے متعلق سماجی رابطوں کی ویب سائٹ ٹوئٹر پر معنی خیز ٹوئٹ کیا ہے۔
اے آروائی نیوز براہِ راست دیکھیں live.arynews.tv پر
مزمل اسلم نے اپنے ٹوئٹ میں لکھا ہے کہ کوئی ذرا سمجھائے 45 فیصد مہنگائی کرکے کیا ملک بچانے کا بیان سمجھ آتا ہے؟
پی ٹی آئی رہنما نے اپنے مختصر ٹوئٹ بیان کا اختتام اس جملے پر کیا ہے کہ ’’الٹا یہ کہنا چاہیے ہم نے ملک ڈبو دیا، مفتاح 007‘‘
کوئ زرا سمجھائے 45 فیصد مہنگائ کر کے کیا ملک بچانے کا بیان سمجھ آتا ہے؟ الٹا یہ کہنا چاہیے ہم نے ملک ڈبو دیا۰ مفتاح 007
— Muzzammil Aslam (@MuzzammilAslam3) August 27, 2022
یاد رہے کہ 007 انگریزی جاسوسی فلموں کی مشہور سیریز جیمز بانڈ کا ٹریڈ مارک مانا جاتا ہے۔
یہ بھی پڑھیں: ’مفتاح اسماعیل کی ناکامی کی گواہی خود نواز شریف دے رہے ہیں‘
واضح رہے کہ اس سے قبل پی ٹی آئی کے سیکریٹری جنرل اسد عمر نے بھی میڈیا سے گفتگو میں وزیر خزانہ کو کڑی تنقید کا نشانہ بناتے ہوئے کہا تھا کہ مفتاح اسماعیل اپنی ناکامی کا ملبہ پی ٹی آئی پر ڈال رہے ہیں جب کہ ان کی ناکامی کی گواہی تو خود ان کے قائد نواز شریف دے رہے ہیں۔
