The news is by your side.

Advertisement

کراچی: خرم ذکی کے قتل کے خلاف مجلس وحدت مسلمین کا ملک گیر احتجاج کا اعلان

کراچی: مجلس وحدت مسلمین نے خرم ذکی کے قتل کے خلاف وزیراعلی ہاؤس کےسامنے آج احتجاجی دھرنے کااعلان کر دیا۔

کراچی میں ٹارگٹ کلنگ کے نتیجے میں جاں بحق ہونیوالے خرم ذکی کے قتل کیخلاف مجلس وھدت المسلیمن سراپا احتجاج بن گئی، سماجی کارکن خرم ذکی کے قتل کیخلاف مجلس وحدت المسلمین نے آج سہہ پہر وزیراعلیٰ ہاؤس کے سامنے احتجاجی دھرنے کا اعلان کردیا۔

ایم ڈبلیو ایم کے دھرنے کے پیش نظر وزیراعلی ہاؤس جانے والے تمام راستے کنٹینرز لگا کربند کر دیئے گئے،کسی بھی ناخوشگوار واقعے سے نمٹنے کیلیے پولیس کی بھاری نفری بھی طلب کر لی گئی ہے، پانچ سو پولیس اہلکار وزیر اعلیٰ ہاؤس کے قریب تعینات ہونگے، دوسری جانب مظاہرین کو منتشر کرنے کے لیے واٹر کینن بھی طلب کر لی گئی ہے۔

واضح رہے کہ کراچی گزشتہ رات سرگرم سماجی کارکن خرم ذکی کو دہشت گردوں نےگزشتہ رات فائرنگ کر کے قتل کردیا، نارتھ کراچی کےایک ہوٹل میں بیٹھےہوئےتھے کہ موٹرسائیکل سواردہشت گرد وہاں پہنچے، اندھادھند فائرنگ کی اورفرارہوگئے۔

فائرنگ سےخرم ذکی سمیت تین افرادشدیدزخمی ہوئے،خرم ذکی سمیت تمام زخمیوں کواسپتال منتقل کیاگیاجہاں خرم ذکی زخموں کی تاب نہ لاتے ہوئےدم توڑگئے، دیگردوزخمیوں کی حالت تشویشناک بتائی گئی ہے، واقعےکی اطلاع ملتے ہی لوگوں کی بڑی تعداداسپتال کےباہرجمع ہوگئی۔

وزیرداخلہ سندھ سہیل انورسیال نےخرم ذکی کےقتل کانوٹس لیتے ہوئےاڑتالیس گھنٹےمیں واقعےکی رپورٹ طلب کرلی ہےاورپولیس کوہدایت دی ہےکہ قاتلوں کوفی الفورگرفتارکیاجائے گا۔

Comments

comments

یہ بھی پڑھیں