آسٹریلیا اور جنوبی افریقہ کے خلاف میچ میں مارنوس لبوشین کی والدہ کی پیش گوئی درست ثابت ہوگئی۔
آسٹریلیا نے جنوبی افریقہ پہلے ون ڈے میچ میں 3 وکٹوں سے شکست دی، جنوبی افریقہ کی ٹیم پہلے بیٹنگ کرتے ہوئے 49 اوورز میں 22 رنز بناسکی آسٹریلیا نے مطلوبہ ہدف 7 وکٹوں کے نقصان پر حاصل کیا۔
آسٹریلیا کی جانب سے بیٹر مارنس لبوشین نے 80 رنز کی میچ وننگ اننگز کھیلی۔
میچ سے قبل آسٹریلیا کے بیٹر مارنس لبوشین کی والدہ نے بیٹے سے کہا تھا کہ تم میچ کھیلو گے اور ان کی بات پوری ہوگئی۔
جنوبی افریقہ کے خلاف پہلے ون ڈے میچ میں لبوشین ٹیم میں شامل نہیں تھے پر ماں ایلٹا گراؤنڈ پہنچیں اور بولیں کہ میرا دل کہتا ہے کہ تم میچ کھیلو گے۔
والدہ کی بات سن کر لبوشین ہنس دیے، آسٹریلیا نے بولنگ کی پھر بیٹنگ شروع ہوئی تو تب بھی ماں کا یہی خیال تھا کہ لبوشن تم کھیلو گے۔
ہوا کچھ یوں کہ کیمرون گرین کو گیند لگی اور کن کشن کے متبادل کے طور پر لبوشین بیٹنگ کے لیے میدان میں آئے اور 80 رنز بنا کر اپنی ٹیم کو میچ بھی جتوا دیا۔
لبوشین کی والدہ کی پیش گوئی درست ثابت ہوگئی جس پر بیٹر بولے میری ماں عظیم ہے۔
